• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    12 iyun 2023-cü il

    12 iyun 2023-cü il tarixində Azərbaycan Dövlət Musiqili Komediya Teatrında Ümummilli lider Heydər Əliyevin anadan olmasının 100 illiyi ilə əlaqədar Yeni Azərbaycan Partiyası Nəsimi rayon təşkilatı tərəfindən təntənəli tədbir keçirildi.

    Rəsmi və bədii hissədən ibarət olan tədbirin təşkilatçısı Üzeyir Hacıbəyli adına Bakı Musiqi Akademiyası üzrə YAP təşkilatının sədri Fəlsəfə elmləri doktoru, BMA-nın "Azərbaycan Ənənəvi Musiqisi və Müasir Texnalogiyalar" kafedrasının professoru Mina Hacıyevadır.

    Rəsmi hissədə edilən çıxışlardan, təqdim edilən film nümayişindən sonra bədii hissəyə yer verildi.

    Tədbirin bədii hissəsində Üzeyir Hacıbəyli adına Musiqi Akademiyasının tələbələri Nailə Xasıyeva, Aqşin Xudaverdiyev, Gülnar Nəbi çıxış etdilər.

    Konsert tamaşaçılar tərəfindən böyük maraqla qarşılandı.

    Back to Top