12 aprel 2023-cü il tarixində Üzeyir Hacıbəyli adına Bakı Musiqi Akademiyasında “Simli alətlər” kafedrasının tələbələrinin konserti keçirildi.   Konsert Ümummilli lider Heydər Əliyevin 100 illiyinə həsr olunmuşdur.

BMA-nın “Simli alətlər” kafedrasının müdiri Şəhla İbrahimova bütün qonaqları salamlayaraq, Ulu öndər Heydər Əliyevin incəsənətə, musiqiyə verdiyi dəyərdən, hər zaman gənclərə dəstək olmasından söz açıb, konserti açıq elan etdi.

Konsertdə istedadlı tələbələr - Cavid Ağayev, Emil Hüseynov, Ayan Məmmədova, Aytac Rzayeva, Gülnar Nəcəfova, Günəş Cəfərova, Humay Hacızadə, Zeyn Cəfərov, Nəzrin Muradlı, Nərmin Rəfiyeva, Fəridə Abbaszadə, Özcan Cabbari, Toğrul Abdullayev, Sonaxanım Hüseynzadə, Ərol Rzayev və Səbuhi Axundov (Konsertmeysterlər Nərmin İbrahimova, Zöhrə Salamova, İrina Kirilina, Nuranə Qurbanova, Tomris Hüseynova, Səbinə Muradova) parlaq ifaları ilə çıxış etdilər.

Zəngin konsert proqramında A.Məlikovun “Komdenin arzuları”, “Adajio”, B.Bartokun “Rumın rəqsləri”, R.Şumanın “Сказочные картинки”, M.Mirzəyevin “Lirik rəqs”, İ.Bramsın “Macar rəqsi”, M.Mirzəyevin “Romantik poema”, E.Elgarın “Salut d`amour”, M.De Falyanın “İspan rəqsi”, A.Zeynallının “Muğamsayağı”, S.Raxmaninovun “Romans”, A.Şnitkenin “Polka”, P.Sarasatenin “Navarra”, F.Mendelsonun Kvartet № 6 II hissə əsərləri səsləndirildi.

Konsert tamaşaçıların gurultulu alqış sədaları altında başa çatdı.

6

3

2

4

1

5