• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    1 mart 2023-cü il

    1 mart 2023-cü il tarixində Üzeyir Hacıbəyli adına Bakı Musiqi Akademiyasının Böyük zalında Azərbaycan Respublikasının Əməkdar İncəsənət xadimi, professor Oqtay Abasquliyev, Əməkdar müəllim, professor Leyla Abasquliyeva və Kamil Abasquliyevə həsr olunmuş “Xatirə” adlı konsert  keçirildi.

    Qeyd edək ki, konsertin bədii rəhbəri Əməkdar müəllim, BMA-nın professoru Gülnarə Acalovadır. 

    Öncə tədbirdə  Əməkdar müəllim, BMA-nın Tədris işləri üzrə prorektoru professor, pedaqoji elmlər namizədi Nərminə Quliyeva bütün qonaqları salamlayaraq,  hər üç tanınmış musiqiçinin yaradıcılığından, musiqi incəsənəti sahəsindəki böyük xidmətlərindən, onlarla bağlı xoş xatirələrindən bəhs edib, konserti açıq elan etdi.

    Musiqili gecədə “Cadenza Conteporary Orchestra”, Azərbaycan Respublikasının Əməkdar artistləri Azər Zadə, Səbinə Əsədova, İstanbul Universiteti Dövlət Konservatoriyasının dosenti Tutu Aydınoğlu, Respublika və beynəlxalq müsabiqələr laureatları, prezident təqaüdçüsü Vurğun Vəkilov,  Bilkənt Universitetinin müəllimi Tofiq Şıxıyev,  Nərgiz Kəngərli,  Ümidə Abasova, Atəş Qarayev, Anar Məmmədov, Camalə Abdinzadə, Hüseyn Nağıyev, İlahə Məmmədova, Afaq Qarayeva, Rəşad Abdullayev öz əsrarəngiz ifalarını dinləyicilərə təqdim etdilər.

    Təntənəli konsert proqramında Rolf Lovlandın “Song from a secret garden”, Ferens Listin Liebestraum No.3 "Love Dream" (Noktürn №3 “Sevgi xəyalları”), İspan rapsodiyası S.254, “Macar rapsodiyası” No. 2, cis-moll, İohan Bramsın iki romansı, Mişel Manqaninin Klarnet üçün “Fantaziya”, Jül Massnenin “Tais” operasından “Düşüncə”, Sergey Raxmaninovun "Vokaliz", Pyotr İliç Çaykovskinin Rus kəndindən səhnələr. “Dumka” c - moll, əs. 59 Yevgeni Botsanın "Ariya", Üzeyir Hacıbəylinin “Sənsiz”, Qara Qarayevin “İnsan məskən salır” kinofilmindən musiqi, Fikrət Əmirovun "Lay-lay", Sevil Əliyevanın “Ana” əsərləri səsləndirildi.

    Tamaşaçılar tərəfindən böyük rəğbətlə qarşılanan konsert gecəsi gurultulu alqış sədaları altında başa çatdı.

    Back to Top