• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    22 dekabr 2022-ci il

    22 dekabr 2022-ci il tarixində Üzeyir Hacıbəyli adına Bakı Musiqi Akademiyasında "İxtisas fortepiano" kafedrası tələbələrinin “Dünya azərbaycanlılarının Həmrəylik günü”nə həsr olunmuş təntənəli konserti keçirildi. 

    Konsertdə BMA-nın istedadlı tələbələri Nuray Əliyeva, Ayan Aslanova, Əli Adıgözəlov, Elçin Məmmədov, İlqarə Talıbova, Jalə İslamova, Nərminə İsmayılova, Nurcan Rzayeva, Məryəm Məmmədova parlaq ifaları ilə dinləyicilərə böyük zövq bəxş etdilər.

    Bayram ab-havalı konsert gecəsində Friderik Şopenin “Etüd” № 4, “Skerso” № 1, İohan Bramsın “Macar rapsodiya”sı № 5, Ferens Listin “Macar rapsodiyas”sı № 8, Sergey Raxmaninovun “Etüd” op.39 № 1 c moll, “Etüd-şəkil” № 6, Aleksandr Metnerin “Canzona Serenata”, Aleksandr Skryabinin “Etüd” cis moll op.42 № 5, Robert Şumanın “Uşaq lövhələri” silsiləsi əsərləri dinləyicilərə təqdim olundu.

    Konsert tamaşaçıların böyük rəğbətini qazanaraq, gurultulu alqış sədaları altında başa çatdı.

    Back to Top