• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    23 sentyabr 2022-ci il

    23 sentyabr 2022-ci il tarixində XIV Üzeyir Hacıbəyli Beynəlxalq Musiqi Festivalı çərçivəsində növbəti konsert Müslüm Maqomayev adına Azərbaycan Dövlət Akademik Filarmoniyasında keçirildi.

    Konsertin solistləri gənc musiqiçilər – Respublika və beynəlxalq müsabiqələr laureatları Fəqan Həsənli (piano) və Əziz Pənah (qoboy) idi. Musiqiçiləri Macarıstanın Mendelson Kamera Orkestri müşayiət edirdi.

    Tədbirdə dinləyicilərə rəngarəng konsert proqramı təqdim edildi. Belə ki, istedadlı musiqiçilərin ifasında Lüdviq Van Bethovenin Simli kvarteti N.11, op.95, "Quartetto serioso", Volfqanq Amadey Motsartın Piano və orkestr üçün konserti A dur, K.414, Bella Bartokun "Divertisment", "Rumın xalq rəqsləri", Üzeyir Hacıbəylinin "Arazbarı", Aqşin Əlizadənin "Cəngi" əsərləri səsləndirildi.

    Musiqiçilərin parlaq ifası tamaşaçılar tərəfindən gurultulu alqışlarla qarşılandı.

    Back to Top