• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    7 iyun 2022-ci il

    7 iyun 2022-ci il tarixində Üzeyir Hacıbəyli adına Bakı Musiqi Akademiyasının Böyük Zalında respublika və beynəlxalq müsabiqələr laureatları – üç pianoçu Gülşən Mehdiyeva, Oksana Gül, Zərif Kərimova və fleyta ifaçısı Nərgiz Əliyevanın Milli Qurtuluş gününə həsr olunmuş “Klassik musiqi gecəsi” konserti keçirildi. 

    Konsert proqramına Azərbaycan və dünya klassiklərinin, müasir bəstəkarların və müəllif əsərləri daxil edilmişdir.

    Rəngarəng konsert proqramında L.V. Bethovenin fleyta və fortepiano üçün sonata B dur (1 hissə), F.Şubertin  fortepianoda 4 əl üçün  fantaziya  f moll, Z.Kərimovanın fortepiano üçün pyes "Poema", 

    P.Hindemitin fleyta və fortepiano üçün Sonata (1 hissə), A.Dvorjakın fortepianoda 4 əl üçün "Slavyan rəqsi" N.2, A.İsgəndərovun fleyta və fortepiano üçün “Segah“, J.Massnenin  Fleyta və fortepiano üçün “Elegie“, K.Qlyukun "Orfey və Evridika“ operasından  fortepianoda 4 əl üçün parça, V.Saparovun fleyta və fortepiano üçün "Alla tango" əsərləri səsləndirildi.

    "Klassik musiqi gecəsi" konserti tamaşaçıların gurultulu alqış sədaları altında başa çatdı.

    Back to Top