Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir.
Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.
Heydər Əliyev
Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.
Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi
əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.
Üzeyir Hacıbəyli
Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın
ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli
binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.
Qara Qarayev
Üzeyir məni özünə xas təmkinlə, çox mehriban bir münasibətlə qarşıladı.
O gündən başlayaraq, ömrünün axırına qədər ölməz sənətkarın hərarətli münasibətini duydum.
İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...
Fikrət Əmirov
16 may 2022 ci il tarixində Asəf Zeynallı adına Musiqi Kollecində Üzeyir Hacıbəyli adına Bakı Musiqi Akademiyasının "Xor dirijorluğu" kafedrasının müəllim və tələbə heyəti uğurla çıxış etmişlər.
Kafedranın müəllimləri dosent Aqil Qafulov və müəllim Aysel Əsədova təbliğat mətni ilə çıxış etmişdir. Tədbirin kiçik konsert hissəsində BMA-nın "Luminex" ansamblı və "Sabah" qrupunun tələbələrindən ibarət xor kollektivləri rəngarəng konsert proqram ilə çıxış etdilər.
© Copyright 2024 Bakı Musiqi Akademiyası