• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    5  may 2022-ci il

    5 may 2022-ci il tarixində Azərbaycanın Mədəniyyət Nazirliyi, Azərbaycanın ABŞ-dakı səfirliyi və Marshall İrs İnstitutunun (Marshall Legacy Institute, MLI) təşkilatçılığı, ABŞ-Azərbaycan Ticarət Palatasının (USACC) dəstəyi ilə Vaşinqtondakı Con Kennedi adına İfaçılıq incəsənəti mərkəzində (Kennedi Mərkəzi) azərbaycanlı incəsənət ustalarının “Xarıbülbülün səsi” konserti keçirildi.

    Xarıbülbül gülü Şuşa və Qarabağla qırılmaz şəkildə bağlıdır, sevgi və sülh rəmzi, Azərbaycanın əsl simvolu, 44 günlük Vətən Müharibəsində Qələbənin milli rəmzidir.

    Qonaqlar arasında ictimai-siyasi xadimlər, ABŞ Konqresinin üzvləri, diplomatik missiyaların nümayəndələri, aparıcı beyin mərkəzləri, ABŞ-ın  elm xadimləri, Azərbaycan diasporunun və Amerika ictimaiyyətinin nümayəndələri yer almışdır.

    Tədbirdə Azərbaycanın mədəniyyət naziri Anar Kərimov, Azərbaycanın ABŞ-dakı səfiri Xəzər İbrahim, USACC-nin icraçı direktoru Natiq Baxışov, MLI-nin icraçı direktoru Elis Beker iki ölkə arasında əlaqələrin inkişafı, Azərbaycanın mədəniyyəti, incəsənəti və adət-ənənələrindən danışdılar.

     Bədii rəhbəri SSRİ və Azərbaycanın Xalq artisti, professor Fərhad Bədəlbəyli, direktoru Azərbaycanın Xalq artisti, professor Yeganə Axundova, baş dirijoru Əməkdar artist Fuad İbrahimovun rəhbərliyi ilə Baku Chamber Orcestra-nın müşayiəti ilə keçirilən Konsert proqramında Xalq artistləri Nəzakət Teymurova, Brilliant Dadaşova, Ənvər Sadıqov, Elşən Mansurov, Əməkdar artistlər Əliağa Sədiyev, Abbas Bağırov, Kamran Kərimov, o cümlədən Arslan Növrəsli, Cəlal Kərimov və başqaları çıxış ediblər. Tədbirdə xalq mahnıları və muğam, estrada mahnıları təqdim olunub.

    Back to Top