• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    18 aprel 2022-ci il

    18 aprel 2022-ci il tarixində Beynəlxalq Muğam Mərkəzində "Klassik musiqi axşamları" layihəsi çərçivəsində Üzeyir Hacıbəyli adına Bakı Musiqi Akademiyasının "İxtisas fortepiano" kafedrası müəllimlərinin konserti keçirildi.

    Konsertdə Azərbaycanın Xalq artisti, BMA-nın professoru Gülnaz İsmayılova, Əməkdar artist Aleksey Miltıx, professor Könül Hüseynova, dosentlər Züleyxa Abdulla, Nərgiz Salmanlı, Günel Kazımova, baş müəllimlər Sevda Məmmədli, Zərif Kərimova, Beynəlxalq müsabiqələr laureatları Ülviyyə Kazımova, Gülnarə Kərimova, Nərgiz Əliyeva, Səbinə Quliyeva, Leyla Kərimovanın parlaq ifaları dinləyicilərdə xoş əvhal-ruhiyyə yaratdı.

     Tədbirin proqramı da xüsusi seçilmişdir. Proqramda həmçinin F.Əmirovun 100 illik yubileyi ilə əlaqədar görkəmli bəstəkarın əsərləri də yer almışdır.  Konsertdə Ü.Hacıbəyli, S.Raxmaninov, A.Rzayev, A.Piazzolla, F.List, T.Dun, P.Hindemit, F.Əmirov, L.Arditi, F.Şopen, M.Ponse, V.Adıgözəlov və BMA-nın "İxtisas fortepiano" kafedrası müəllimləri S.Məmmədli, Z. Kərimovanın əsərləri  səsləndirildi.

    Tamaşaçıların böyük rəğbətini qazanan konsert gurultulu alqış sədaları altında başa çatdı.

    Back to Top