• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    7 mart 2022-ci il

    7 mart 2022-ci il tarixində Bakıdakı Rus Evi Üzeyir Hacıbəyli adına Bakı Musiqi Akademiyası ilə birlikdə toplaşan tamaşaçılara Beynəlxalq Qadınlar Gününə həsr olunmuş gözəl konsert proqramı  təqdim etdi.

    Bayram gecəsinin aparıcısı və təşkilatçısı sənətşünaslıq üzrə fəlsəfə doktoru, BMA-nın baş müəllimi Alyona İnyakina idi. Tədbirdə həmçinin BMA-nın baş müəllimi Lalə Muxtarova, BMA-nın konsertmeysteri Dilarə Kərimova, konsertmeyster Fəqan Həsənli, Q.Qarayev adına Azərbaycan Dövlət Kamera Orkestrinin solisti Leyla Kərimova, BMA-nın tələbələri İlqarə Talıbova, Firuzə Bəyyarova, Cəmalə Abdinzadə, Əzizə Ağazadə, Nailə Xasıyeva, Ruslan Persan, Gülzar Hüseynova, Nigar Hüseynzadə, BMA-nın Məktəb-studiyanın şagirdləri İsa Kələntərov və Teymur Kazımov, həmçinin Anastasiya Primak, Elmira Dadaşova və İsgəndar Dadaşov iştirak etmişlər.

    Bakı tamaşaçıları konsert iştirakçılarının çıxışlarını mehribanlıqla qarşıladılar.

    Təntənəli gecədə Azərbaycan Milli Məclisinin deputatı, İqtisad elmləri doktoru, professor Rüfət Quliyev, Rusiyanın Azərbaycandakı səfirliyinin, bir sıra ölkələrin diplomatik korpusunun, biznes strukturlarının nümayəndələri, Azərbaycanın mədəniyyət və ictimai xadimləri iştirak ediblər.

    Konsert proqramının sonunda Bakıdakı Rus Evinin rəhbəri İrek Zinnurov bütün iştirakçılara Rossotrudniçestvonun Azərbaycan Respublikasındakı Nümayəndəliyinin təşəkkürnamələrini və diplomlarını təqdim etdi.

     

     

    Back to Top