• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    28 yanvar 2022-ci il

    28 yanvar 2022-ci il tarixində Bakıdakı Rus Evində (Rusiya İnformasiya və Mədəniyyət Mərkəzi) dahi rus bəstəkarı, pianoçu və pedaqoq Aleksandr Skryabinin 150 illik yubileyinə həsr olunmuş təntənəli konsert keçirilmişdir.

    Tədbirin proqramını konsertin aparıcısı və təşkilatçısı, sənətşünaslıq üzrə fəlsəfə doktoru, Bakı Musiqi Akademiyasının baş müəllimi Alyona İnyakina hazırlayıb və o, həm də Skryabinin bir neçə əsərini ifa edib. Tamaşaçılar A.Skryabinin özünün nəzərdə tutduğu kimi, musiqini rəng palitrası ilə birlikdə hiss etməyi bacarıblar.

    Konsert zamanı qonaqlar Ü.Hacıbəyli adına Bakı Musiqi Akademiyasının müəllim və məzunları - baş müəllim Lalə Muxtarova, sənətşünaslıq üzrə fəlsəfə doktoru, baş müəllim Nərgiz Salmanlı, konsertmeyster Dilarə Kərimova, Q.Qarayev adına Azərbaycan Dövlət Kamera Orkestrinin solisti Leyla Kərimova, BMA-nın məzunu Mədinə Ağayeva, BMA-nın tələbəsi Kənan Xəlilzadə, BMA-nın Məktəb-Studiyasının şagirdi Teymur Kazımov və Kamilla İmanovanın ifasında Skryabin və onun müasirlərinin əsərlərindən zövq ala bildilər.

    Tədbirdə Rusiyanın Azərbaycandakı fövqəladə və səlahiyyətli səfiri Mixail Boçarnikov, Rusiya səfirliyinin mədəniyyət məsələləri üzrə müşaviri İqor Yeronin, Milli Məclisin deputatı, iqtisad elmləri doktoru, professor Rüfət Quliyev, Yeni Azərbaycan Partiyasının gənclər qanadının idarə heyətinin üzvü Anastasiya Lavrina, biznes strukturlarının nümayəndələri, mədəniyyət və incəsənət xadimləri qonaq qismində iştirak edirdilər.

    Back to Top