• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    27 dekabr 2021-ci il

    27 dekabr 2021-ci il tarixində Üzeyir Hacıbəyli adına Bakı Musiqi Akademiyasının Böyük zalında Dünya şöhrətli pianoçu, SSRİ-nin və Azərbaycanın Xalq artisti, Bakı Musiqi Akademiyasının rektoru, professor Fərhad Bədəlbəylinin doğum günü təntənəli şəkildə qeyd olundu.

    İlk öncə F.Bədəlbəylinin ad günü BMA-nın dəhlizində  Nəfəs-zərb alətləri orkestrinin və  tələbə xorunun ifası ilə  təbrik edildi.

    Daha sonra Böyük zalda rəngarəng konsert proqramı ilə doğum günü tədbiri Gənclər Kamera Orkestrinin ifasında davam etdirildi.

    Qeyd edək ki, Gənclər Kamera Orkestrinin bədii rəhbəri Azərbaycan və SSRİ-nin Xalq artisti, Üzeyir Hacıbəyli adına Bakı Musiqi Akademiyasının  rektoru, professor Fərhad Bədəlbəyli, direktoru Azərbaycan Respublikasının Xalq artisti, BMA-nın prorektoru,  professor Yeganə Axundova, dirijoru Əməkdar artist Fuad İbrahimovdur.

     Konsertdə Gənclər  Kamera Orkestrinin müşayiətilə A.Əlizadənin "Rəqs"; "Happy Birthday", Azərbaycan Respublikasının  Xalq artisti Zəhra Quliyevanın ifasında Paradiz "Siziliana", Beynəlxalq müsabiqələr laureatı, Prezident təqaüdçüsü Cəmil Sədizadənin ifasında İ.Bramsın "Macar rəqsi" №5, Azərbaycan Dövlət Akademik Opera və Balet Teatrının solisti, Azərbaycan Respublikasının  Xalq artisti, prezident mükafatçısı  

    Nəzakət Teymurovanın ifasında Xalq mahnısı "Dağların başı", "Əlimi bıçaq kəsibdi" (orkestr üçün işləmə Bakı Musiqi Akademiyasının professoru Ceyhun Allaverdiyevə məxsusdur), "Qarabağ şikəstəsi" (Müşayiət edirlər: Tar: Əməkdar artist Əliağa Sədiyev, Kamança: Xalq artisti Elşən Mansurov, Nağara: Əməkdar artist Kamran Kərimov) səsləndirildi.

    Azərbaycan Respublikasının  Xalq artisti Zəhra Quliyeva və BMA-nın “Humanitar fənnlər” kafedrasının müdiri, professor, filologiya üzrə elmlər doktoru Tərlan Quliyev də ürək sözləri ilə çıxış edərək, F.Bədəlbəylinin doğum gününü təbrik etdilər.

    Konsertin final nöqtəsi şamlarla bəzədilmiş  tortun “Ad günün mübarək!" təbrik mahnısının fonunda səhnəyə gətirilməsi oldu.

    Sonda Fərhad Bədəlbəyli təbriklərə, xoş arzulara görə hər kəsə dərin minnətdarlığını və təşəkkürünü bildirdi.

    Beləliklə, tamaşaçıların könlünü oxşayan bayram abu-havalı tədbir gur alqış sədaları altında başa çatdı.

     

    Back to Top