• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    5 mart 2019-cu il

    5 mart 2019-cu il tarixində Ü.Hacıbəyli adına Bakı Musiqi Akademiyasının Böyük zalında Müdafiə Nazirliyinin Əlahiddə Nümunəvi Orkestrinin "Bakı Musiqi Akademiyasının 100 illiyinə həsr olunmuş" konserti baş tutub.

    Qeyd edək ki, orkestrin bədii rəhbəri -Azərbaycan Respublikasının Xalq artisti, professor, general -mayor Yusif Axundzadədir. Konsertdə bir-birindən maraqlı musiqi parçaları səslənib. Musiqi proqramında ifa edilən əsərlərin əksəriyyəti Azərbaycanda ilk dəfə səsləndirilib. Belə ki, Jarry Boch – "Fiddler on the roof" (dirijor  - Əməkdar İncəsənət xadimi, polkovnik-leytenant Rüfən Axundzadə), Ennio Morricone – "La Calliffa" (dirijor – Rüfət Axundzadə, solist Aynur İsgəndərli), Brian Taylor – "Thor" , "The dark world" və Alan Silvestry – "The Avangers" (dirijor – leytenant Elnur Qurbanov), Vangelis – "The Conguest of Paradise" (dirijor – leytenant Azad Qurbanov), Frank Wildhon – "Jekyll and Hyde" müzikaldan “Prologue” (dirijor baş leytenant Orxan Zeynallı), Yan Valta – "Like the morning star" (dirijor Rüfət Axundzadə, solist Aynur İsgəndərli), Michael Giacchino – "Guardians of the Galaxy" və Brian Taylor "Ironman 3"  (dirijor – Elnur Qurbanov), George Gerswin – "Summertime" (dirijor – Orxan Zeynallı), Rod Temperton – Michael Jackson repertuarından "Thriller" (dirijor – Rüfət Axundzadə),  James Brown – "I feel good" (dirijor – Rüfət Axundzadə)- əsərləri ifa olunub. Konsert olduqca maraqla qarşılanaraq gurultulu alqışlara səbəb olub.

     

     

    Back to Top