• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    26 oktyabr 2026-cı il

    26 oktyabr 2026-cı il tarixində Üzeyir Hacıbəyli adına Bakı Musiqi Akademiyasında Yeni Azərbaycan Partiyasının VIII Qurultayında partiyanın sədri cənab İlham Əliyevin nitqindən irəli gələn məsələlərin müzakirəsinə həsr olunmuş Konfrans keçirildi. 

    Tədbirə başlamadan öncə Vətən uğrunda canından keçən şəhidlərimizin xatirəsi sükutla anıldı.

    Sonra Azərbaycan Respublikasının Dövlət Himni səsləndirildi. 

    Tədbirin açılışını Üzeyir Hacıbəyli adına Bakı Musiqi Akademiyası üzrə YAP təşkilatının sədri,  professor Mina Hacıyeva qonaqları salamlayaraq, sözü  Yeni Azərbaycan Partiyası Nəsimi rayon təşkilatının sədri Azər Süleymanova verdi.

    Azər müəllim Yeni Azərbaycan Partiyasının VIII Qurultayında partiyanın sədri cənab İlham Əliyevin nitqini əsas tutaraq, maraqlı fikirlər səsləndirdi. 

    Sonra Yeni Azərbaycan Partiyasının VIII qurultayında Bakı Musiqi Akademiyasını təmsil edən Tədris işləri üzrə prorektor, əməkdar müəllim, professor Nərminə Quliyevaya söz verildi.

    Nərminə xanım qurultay barədə öz təəssüratlarını dinləyicilərlə bölüşərək, gənclərə dilimizi, tariximizi qoruyub gələcək nəsillərə ötürməyi məsləhət gördü.

    Ardınca Əməkdar incəsənət xadimi, fəlsəfə elmləri doktoru, Bakı Musiqi Akademiyasının elmi işlər üzrə prorektoru, professor Gülnaz Abdullazadə, sonra BMA-nın Həmkarlar İttifaqı Komitəsinin sədri, dosent Aqil Qafulov çıxış etdilər.

    Onlar da öz növbəsində hörmətli prezidentimizin nitqindən irəli gələn məsələlərdən Yeni Azərbaycan Partiyasının üzvlərinin tarixi vəzifələrin icrasından söz açdılar.

    Sonuncu çıxış olaraq, BMA-nın “İnstrumental ifaçılıq” kafedrasının fortepiano fakültəsinin IV kurs SABAH qrupları tələbəsi Aytac Əlizadəyə söz verildi. Çıxışlardan sonra Mina xanım Yeni Azərbaycan Partiyasının (YAP) 2 oktyabr 2026-cı il tarixində Heydər Əliyev Mərkəzində keçirilən VIII Qurultayında və ondan sonra keçirilən müzakirələrdə incəsənət və mədəniyyət sahəsi — ideoloji işin yenilənməsi, milli həmrəylik, gənclərin vətənpərvərlik ruhunda tərbiyəsi istiqamətində əsas dayaq və vasitələrdən biri kimi qeyd olunduğunu xüsusi vurğuladı və çıxışını aşağıdakı sözlərlə yekunlaşdırdı: “Yeni musiqi yazılmalıdır, gənc ifaçılar ilə həm ölkə daxili, paytaxt və regionlarda, həm də xaricdə öz yaradıcılıq vasitəsilə insanlara Azərbaycan tarixi və bu günü haqqında həqiqətləri çatdırmalıdırlar. Bu hamımızın çiynində duran mühüm vəzifədir. Və onu hər gün yerinə yetirməliyik”

    Tədbirin sonunda Yeni Azərbaycan Partiyasının himni  səsləndirildi.

    Back to Top