• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    14 sentyabr  2026-cı il

    14 sentyabr 2026-cı il tarixində Ü. Hacıbəyli adına Bakı Musiqi Akademiyasının Musiqi nəzəriyyəsi kafedrasının iclası keçirilmişdir.

    İclas zamanı 2026/2027-ci tədris ili üzrə kafedranın qarşısında duran əsas vəzifələr, tədris prosesinin təşkili, professor-müəllim heyətinin dərs yükü, kafedranın iş planında nəzərdə tutulan vəzifələr və qarşıdakı tədris ili üçün əsas istiqamətlər müzakirə edilmişdir.

    İclas zamanı “Azərbaycan Mədəniyyəti – 2040” konsepsiyasının əsas istiqamətləri və onun musiqi təhsili, milli musiqi irsinin qorunması problemləri  xüsusi diqqət mərkəzində olmuşdur. Bu istiqamətdə kafedra tərəfindən konsepsiyanın prioritetləri ilə səsləşən bir sıra konkret təkliflər irəli sürülmüş və onların tədris, elmi-tədqiqat və metodiki fəaliyyətə inteqrasiyası ilə bağlı müvafiq qərarlar qəbul edilmişdir.

    İclasın sonunda qarşıya qoyulan vəzifələrin sistemli şəkildə həyata keçirilməsi, tədris, metodiki və yaradıcılıq fəaliyyətinin müasir tələblərə uyğunlaşdırılması və “Azərbaycan Mədəniyyəti – 2040” konsepsiyasından irəli gələn kafedranın fəaliyyətində nəzərə alınması ilə bağlı müvafiq qərarlar qəbul edilmişdir.

     

    Back to Top