• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    25 iyun  2026-cı il

    25 iyun 2026-cı il tarixində Ü.Hacıbəyli adına Bakı Musiqi Akademiyasında (BMA) “Şifahi ənənəli Azərbaycan professional musiqisi və onun yeni istiqamətlərinin tədqiqi: Orqanoloqiya və Akustika” elmi tədqiqat laboratoriyasının böyük elmi işçisi,

    sənətşünaslıq üzrə fəlsəfə doktoru Günel Bəkirova tərəfindən Bakı Musiqi Akademiyasının zəngin tarixi keçmişini əks etdirən geniş və fundamental seminar təşkil olunmuşdur. Seminar “Azərbaycan Dövlət Konservatoriyası tarix və faktlarla üz-üzə” adlı mövzunu əhatə edirdi.

    Məruzəçi Günel Bəkirova seminarın mövzusu üzərində uzun müddət ərzində ciddi və səmərəli elmi-tədqiqat işi aparmışdır. O, xüsusilə dövlət arxivlərindən BMA-nın fəaliyyətinə dair 1920-1950-ci illəri əhatə edən, geniş kütləyə məlum olmayan unikal sənədlər, tarixi faktlar və qiymətli fotomateriallar əldə etmişdir. Tədqiqatçıtopladığı bütün bu zəngin materialları xronoloji sistemə salaraq mükəmməl və fundamental bir tədqiqat əsəri ərsəyə gətirmişdir. Seminarda nümayiş etdirilən xronoloji materiallar və arxiv fotoları akademiyanın yarandığı gündən bu yana keçdiyi şərəfli yolu vizual və elmi şəkildə açıqlayırdı.

    Yüksək elmi səviyyədə təşkil olunan çıxış seminar iştirakçıları tərəfindən böyük maraq və rəğbətlə qarşılanmış, mövzu ətrafında geniş müzakirələr aparılmışdır. Tədbirdə BMA-nın innovasiya və elm məsələləri üzrə prorektoru, professor Gülnaz Abdullazadə və elmi laboratoriyanın müdiri, dosent Nuridə İsmayılzadə başda olmaqla, laboratoriyanınəməkdaşları və qonaqlar; xalq artisti Şəfiqə Eyvazova, istedadlı kamança ifaçısı Mehri Əsədullayeva da iştirak etmişlər. Seminar iştirakçıları tərəfindən qeyd olunduki, təqdim olunan mövzu həm akademiya, həm də bütövlükdə Azərbaycan musiqi təhsili tarixi üçün müstəsna əhəmiyyət kəsb edir.

    Ümumiyyətlə, Günel Bəkirova öz elmi-tədqiqat fəaliyyətilə Azərbaycan musiqi elminin inkişafına öz töhfələrini verən gənc və perspektivli tədqiqatçılardanbiri kimi olduqca geniş və maraqlı seminar hazırlamışdır. Çıxış edən seminar iştirakçıları, alimlərvə həmkarları Günel xanımın bu araşdırmasını gələcək nəsillər üçün mühüm bir mənbə olduğunu vurğulayaraq, ona elmi yaradıcılıq yolunda yeni uğurlar arzulamışlar.

     

    ZÜMRÜD MƏMMƏDOVA

    Xalq artisti, dosent, BMA-nın böyük elmi işçisi

    İLAHƏ QİSMƏT q. ABDULLAYEVA

    Sənətşünaslıq üzrə fəlsəfə doktoru, elmi işçi, bəstəkar

    Back to Top