• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    23 iyun  2026-cı il

    Gəncə Dövlət Universitetinin "Musiqi fənləri" kafedrasının professor-müəllim heyəti və "Pedaqoji" fakültəsinin "Musiqi müəllimliyi" ixtisası üzrə IV kurs tələbələri üçün

    “V.A.Motsartın Vyana Klassik Musiqi Məktəbində rolu və yeri” mövzusunda online vebinar təşkil olunub. İlk olaraq sənətşünaslıq doktoru, professor Sevda Qurbanəliyeva çıxış edərək layihənin əhəmiyyətindən danışıb. Vebinarda Ü.Hacıbəyli adına Bakı Musiqi Akademiyasının “Musiqi tarixi” kafedrasının müdiri, sənətşünaslıq üzrə fəlsəfə doktoru, professor Zümrüd Dadaşzadə də iştirak edib. Z.Dadaşzadə mövzu ilə bağlı fikirlərini bölüşərək, klassik musiqi irsinin öyrənilməsinin və gənc musiqiçilərin peşəkar dünyagörüşünün formalaşmasında belə elmi görüşlərin əhəmiyyətini vurğulayıb. Mühazirəni Ü.Hacıbəyli adına Bakı Musiqi Akademiyasının “Musiqi tarixi” kafedrasının dosenti, sənətşünaslıq üzrə fəlsəfə doktoru  Minaxanım Babayeva təqdim edib. Çıxış zamanı XVIII əsr Avropa musiqi mədəniyyətinin mühüm mərhələlərindən biri olan Vyana Klassik Musiqi Məktəbinin formalaşması, onun əsas nümayəndələri və dahi bəstəkar Volfqanq Amadey Motsartın bu məktəbin inkişafında  əsas rolu geniş şəkildə şərh olunub.

    Mühazirədə Motsart yaradıcılığının janr və üslub xüsusiyyətləri, bəstəkarın klassik musiqi dilinin zənginləşməsinə verdiyi töhfələr, opera, simfoniya və kamera musiqisi sahəsindəki novatorluğu haqqında dinləyicilərə ətraflı məlumat verilib.

    Back to Top