• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    25 oktyabr 2023-cü il

    25 oktyabr 2023-cü il tarixində Üzeyir Hacıbəylinin ev muzeyində dahi Azərbaycan bəstəkarı Üzeyir Hacıbəylinin “Arşın mal alan” operettasının 110 illiyinə həsr olunmuş konfrans keçirildi. 

    Öncə Üzeyir Hacıbəylinin ev muzeyinin direktoru Azərbaycan Respublikasının Xalq artisti, Əməkdar incəsənət xadimi, bəstəkar Sərdar Fərəcov konfrans iştirakçılarını və qonaqları salamlayaraq, konfransı açıq elan etdi.

    Konfrans çərçivəsində müxtəlif mövzulara toxunulmuşdur. 

    Sonra konfrans konsert proqramı ilə davam etdi.

    Belə ki, bədii hissədə Əməkdar müəllim, sənətşünaslıq üzrə fəlsəfə doktoru Lalə Cəfərovanın “Üzeyir Hacıbəylinin mövzuları əsasında fantaziyası”əsəri Ü.Hacıbəyli adına Bakı Musiqi Akademiyasının lll kurs tələbəsi Leyla Hüseynzadənin (Əməkdar müəllim, dosent Kəmalə Mirbabayevanın sinfi) ifasında səsləndirilmişdir. 

    Konfransda qonaq qismində Azərbaycan Bəstəkarlar İttifaqının sədri, Xalq artisti Firəngiz Əlizadə, Əməkdar İncəsənət xadimi, Sənətşünaslıq üzrə fəlsəfə doktoru, professor Zemfira Qafarova, Əməkdar incəsənət xadimi, professor Gülnaz Abdullazadə də iştirak etdilər. Tədbir tamaşaçılar tərəfindən maraqla qarşılanmışdır.

      

    Back to Top