• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    10 mart 2023-cü il

     10 mart 2023-cü il tarixində Üzeyir Hacıbəyli adına Bakı Musiqi Akademiyasının Qara Qarayev adına konfrans zalında görkəmli Azərbaycan rejissoru Ulduz Rəfilli-Əliyevanın 100 illik yubileyinə həsr olunmuş dəyirmi masa keçirilmişdir.

    Tədbir Ulduz xanımla işləmək şansı olan və ya onun yaradıcılığı yaxşı bilən hər kəsi bir araya topladı.

    Dəyirmi masanın açılışında BMA-nın tədris işləri üzrə prorektoru, əməkdar müəllim, pedaqoji elmlər namizədi, professor Nərminə Quliyeva bütün tədbir iştirakçılarını salamladı və Ulduz Rəfilli-Əliyevanın milli teatrın inkişafında mühüm rolunu vurğuladı. Bakı Musiqi Akademiyasının elmi işlər üzrə prorektoru,  fəlsəfə elmləri doktoru, professor Gülnaz Abdullazadə, sənətşünaslıq doktoru, əməkdar incəsənət xadimi,  professor İmruz Əfəndiyeva, BMA-nın dosenti Svetlana Mirzəyeva, aktrisa Sona Babayeva, Azərbaycanın Əməkdar artisti aktyor, rejissor Nicat Kazım, eləcə də Ulduz xanımın yaxınları və dostları rejissorun şəxsiyyəti ilə bağlı xatirələrini danışıb, yaradıcılıq fəaliyyətini dəyərləndiriblər. Bütün iştirakçılar rejissorun yaradıcılıq fəaliyyətini yüksək qiymətləndirərək, bu istedadlı insanla ünsiyyətlərini böyük sevgi ilə xatırladılar. İştirakçıların məruzə və çıxışları BMA-nın tələbələrinin ifasında konsert proqramı ilə müşayiət olunub. Tamaşaçılar Klod Debüssinin, Jan-Janın, Emil Əfrasiyabın instrumental kompozisiyalarını, habelə Ulduz Rəfilli-Əliyevanın BMA-nın Opera-studiyasında səhnəyə qoyulmuş Pyotr Çaykovskinin “İolanta” və Fikrət Əmirovun “Sevil” operalarından parçalar dinləyiblər. Tədbirin aparıcısı və təşkilatçısı  sənətşünaslıq üzrə fəlsəfə doktoru, BMA-nın baş müəllimi Alyona İnyakina olmuşdur.

    Back to Top