14 iyul 2022-ci il
Bakı Musiqi Akademiyasında məzunların bayram gecəsi keçirilib
14 iyul 2022-ci il Üzeyir Hacıbəyli adına Bakı Musiqi Akademiyasının (BMA) Böyük Zalında buraxılış mərasimi və rəngarəng konserti özündə birləşdirən BMA-nın məzunlarının təntənəli bayramı keçirilib. Bu yaxınlarda 100 illik yubileyini qeyd edən BMA-nın gözəl ənənəsi var. Məzun günü diplomla təltif olunanlar sırasından akademiyanın ən yaxşı tələbələrinin bayram konserti ilə qeyd olunur. Bu il də istisna deyildi.
Görkəmli pianoçu, BMA-nın rektoru, SSRİ və Azərbaycanın xalq artisti, professor Fərhad Bədəlbəyli məzunlar qarşısında vida nitqi söyləyib. Şərqdə ilk ali musiqi təhsili ocağı olan BMA bu gün də öz şanlı ənənələrini qoruyub saxlayır, dünya reytinqində ən yaxşı musiqi universitetlərindən biridir. Gənc istedadları bu əlamətdar hadisə münasibətilə təbrik edən rektor onlara doğma akademiyanın və ölkəmizin şöhrəti naminə bundan sonra da yaradıcılıq uğurları arzulayıb.
Azərbaycan Respublikasının Xalq Artisti, BMA-nın Beynəlxalq əlaqələr, Sosial Məsələlər və İctimaiyyətlə əlaqələr üzrə prorektoru, professor Yeganə Axundova. BMA-nın yaranması və əsas inkişaf mərhələlərindən, uğurlarından, Azərbaycan mədəniyyətini və incəsənətini tərənnüm edən böyük adlardan, şəxsiyyətlərdən danışıb.
Məzunlar adından bu il BMA-nın “Musiqişünaslıq” ixtisası üzrə magistr pilləsini bitirmiş Nəzrin Abbasova çıxış etdi.
Bayram tədbiri Akademiyanın 2022-ci il məzunları arasından ən parlaq və istedadlı ifaçıların çıxış etdiyi konsertlə davam edib. Konsert zamanı tamaşaçılar Françesko Morlakkinin “Il Pastore Svizzero”, Klara Şumanın “Scherzo”, İohann Sebastyan Baxın “Badineire”, Ernesto de Kurtisin “Non ti scordar di me”, Cahangir Cahangirovun “Aylı gecələr”, Sergey Raxmaninovun Etüd No. 6 es-moll op.33, Telman Hacıyevin “Tələbə mahnısı”, həmçinin BMA-nın məzunu Sara Dilrubanın müəllifi olduğu “Şüştəri” rəqsi kimi əsərlərindən zövq ala biliblər. Rəngarəng musiqi proqramı BMA-nın məzunları, beynəlxalq müsabiqələr laureatları, onların bir çoxu Prezident təqaüdçüləri Kamran Talıblı, Maqsud Musazadə, İlahə Məmmədova, Lalə İbrahimova, Sara Dilruba, Sübxan Rüstəmov, Elxan Niftiyevin BMA-nın baş müəllimi Dmitri Babayevin rəhbərliyi ilə “Sabah” qrupunun xor kollektivi, o cümlədən müxtəlif vaxtlarda Akademiyasında təhsil almış Beynəlxalq Müsabiqələr Laureatları, Prezident təqaüdçüləri Vurğun Vəkilov və Tofiq Şıxiyevin ifasında təqdim olunub.
Tədbir təntənəli buraxılış mərasimi ilə davam edib. Məzunlar akademiyanın rəhbərliyinin və sevimli müəllimlərinin - BMA-nın rektoru F.Bədəlbəyli, BMA-nın tədris işləri üzrə prorektoru, əməkdar müəllim, pedaqoji elmlər üzrə fəlsəfə doktoru, professor Nərminə Quliyeva, BMA-nın elmlər üzrə prorektoru, əməkdar incəsənət xadimi, fəlsəfə doktoru, professor Gülnaz Abdullazadə, BMA-nın Fortepiano fakültəsinin dekanı, əməkdar müəllim, sənətşünaslıq üzrə fəlsəfə doktoru, professor Nəzakət Rimazi, BMA-nın Tarix-nəzəriyyə fakültəsinin dekanı, sənətşünaslıq doktoru, professor Gülzar Mahmudova, BMA-nın İfaçılıq fakültəsinin dekanı, Əməkdar incəsənət xadimi, Professor Nəzmiyyə Abbaszadə əlindən çoxdan gözlənilən sənədi ala biliblər. Ənənəyə görə, BMA-nın məzunlarına diplomlarla yanaşı, Azərbaycan musiqi sənətinin korifeyi Fərhad Bədəlbəylinin şəxsi imzası ilə vida sözləri təqdim olunur.
