• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    28 aprel 2022-ci il

    28 aprel 2022-ci il tarixində Azərbaycan Tibb Universitetində Azərbaycan Tibb Universiteti Nəsimi Rayon İcra Hakimiyyəti ilə birgə görkəmli oftalmoloq alim, akademik Zərifə xanım Əliyevanın anadan olmasının 99-cu ildönümü ilə əlaqədar keçirilən tədbirdə Üzeyir Hacıbəyli adına Bakı Musiqi Akademiyasının 20 nəfər tələbəsi iştirak etdi.

    Tədbirdə Azərbaycan Tibb Universitetinin rektoru Gəray Gəraybəyli, Səhiyyə Nazirinin müavini Nadir Zeynalov, Nəsimi Rayon İcra Hakimiyyətinin başçısı Asif Əsgərov və Paşa Qəlbinur çıxış etdilər.

    Ü.Hacıbəyli adına BMA-nın solisti Əli Muradov tədbirin sonunda Zərifə xanıma həsr olunmuş, sözləri Fikrət Qocaya, musiqisi isə Sevil Əliyevaya məxsus “Ana” mahnısını ifa etdi.

     

     

    Back to Top