• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    22 dekabr 2020-ci il

    Azərbaycan və Özbəkistan arasında elm və musiqi əlaqələri

    Ü.Hacıbəyli adına Bakı Musiqi Akademiyası və Özbəkistan Dövlət Konservatoriyası arasında ötən il imzalanmış qarşılıqlı əməkdaşlıq memorandumuna əsasən 22 dekabr 2020-ci il tarixində “Azərbaycan və Özbəkistan arasında elm və musiqi əlaqələri: problemlər və perspektivlər” mövzusunda ilk onlayn dəyirmi masa keçirilmişdir.  Görüşdə BMA-nın “Şifahi ənənəli Azərbaycan professional musiqisi və onun yeni istiqamətlərinin tədqiqi: Orqanoloqiya və Akustika” elmi-tədqiqat laboratoriyası və ÖDK-nın “Musiqi səsrejissorluğu və informatika” kafedrasının rəhbərliyi və əməkdaşları iştirak edirdi.

    Görüşdə hazırki dövrdə hər iki təhsil ocaqlarının mövcud imkanları, elm-tədqiqat təcrübəsinin ötürülməsi, elmi araşdırılmaların birgə aparılması, mədəni körpünün yaradılması və  alimlərin mübadiləsi, yeni ideyaların təklifi kimi mövzular üzərində dayanılmışdır. Tədbirdə BMA-nın prorektoru, əməkdar incəsənət xadimi, professor Gülnaz Abdullazadə,   Özbəkistanın əməkdar artisti, ÖDK-nın elm və innovasiyalar üzrə prorektoru, professor Sayora Qafurova iştirak edirdi. Elmi-tədqiqat laboratoriyasının rəhbəri, sənətşünaslıq üzrə fəlsəfə doktoru Nuridə İsmayılzadə laboratoriya kollektivinin ardıcıl uğurlu layihələri  haqqında qonaqları məlumatlandırdı. Aparıcı elmi işçi Zeynal İsayev “Kamança alətinin spektral analizi” məruzəsi ilə çıxış etdi. ÖDK “Musiqi səsrejissorluğu və informatika” kafedrasının  rəhbəri Qafurova Şahida və doktorant, kafedranın baş müəllimi Aleksey Xımırov  iştirakçıları kafedranın nəzdində fəaliyyət göstərən səsyazma studiyasını video materillar və fotolar vasitəsi ilə tanış etmiş, kafedranın iş prinsipi və tədris proqramı ətrafında danışmışlar.

    Görüşdə kamançada əməkdar incəsənət xadimi, professor Arif Əsədullayevin ifasında canlı olaraq “Çahargah” muğamından parça səsləndirildi. Sonda xalq artisti Mənsum İbrahimov ilə Ulduz Turdiyevanın ifasında “Qarabağ şikəstəsi”  ilə tədbir sona yetdi.

     

    BMA-nın elmi-tədqiqat laboratoriyasının

    Elmi işçisi və Doktorantı İSRAFİLOVA İLAHƏ QİSMƏT

    Back to Top