British Council-Azərbaycan Məzunların Məşğulluğunun Artırılmasına dair Forum keçirdi

31 oktyabr 2019-cu il tarixində Britaniya Konsulluğunun Azərbaycandakı Ofisi (British Council Azərbaycan) tərəfindən Məzunların Məşğulluğunun Artırılması mövzusunda Forum təşkil edilib. Bu toplantı Britaniya Konsulluğunun Azərbaycanda Ali Təhsil Məşğulluq Proqramının başlanğıcı oldu.
Konfrans British Council-ın ölkə üzrə direktoru Summer Xian-nın giriş nitqi ilə başladı. Sonra Lordlar Palatasının üzvü, Baş nazirin İraq, Azərbaycan, Türkmənistan və Qazaxıstandakı ticarət məsələləri üzrə elçisi, Winterbourne-ın Baronessası Emma Nicholson Böyük Britaniya ilə Azərbaycan arasındakı elm, təhsil, cəmiyyət və mədəniyyət sahəsindəki qarşılıqlı əməkdaşlıq və tərəfdaşlıq münasibətlərinə dair çıxış etdi. Azərbaycan Respublikasının Təhsil naziri Ceyhun Bayramov Azərbaycan Ali Təhsilinin nailiyyətləri haqqında söhbət açdı.
Tədbir gün ərzində Azərbaycan ali təhsil müəssisələrinin nümayəndələri ilə panel müzakirələri formatında davam etdi. İngiltərə tərəfdaşları, məşğulluğun öz tədris planlarına necə daxil edildiyi və məzunların məşğulluğunun artırılmasına dəstək göstərmək üçün İngiltərədə hansı daxili və xarici xidmətlər yaradıldığı haqqında təcrübələrini bölüşdülər.
Bakı Musiqi Akademiyasını Beynəlxalq əlaqələr üzrə prorektor, professor Yeganə Axundova, Beynəlxalq əlaqələr şöbəsinin layihələr üzrə koordinatoru Zülfiyyə Şəfiyeva və İnformasiya texnologiyaları üzrə mütəxəssis Röya Hüseynova təmsil ediblər.