• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    12 mart 2019-cu il

    12 mart 2019-ci il Koreya Respublikasının Azərbaycan Respublikasındakı Səfirinin müşaviri Li Jae Voong və tədqiqatçı Park Dong Shik Ü. Hacıbəyli adına Bakı Musiqi Akademiyasının qonağı  olublar.

    Qonaqlar BMA-nın Beynəlxalq əlaqələr və tərbiyə işləri üzrə prorektor, Xalq artisti, professor Yeganə Axundova ilə görüşüblər. Görüş zamanı 2 ölkə arasında dostluq və mədəni mübasibətlərin daha da inkişaf etdirilməsinin mümkün perspektivləri müzakirə olunub. Həmçinin, qonaqlar 2019-cu ildə Koreya Respublikasının Azərbaycan Respublikasındakı Səfirliyinin təşkilatçılığı və Bakı Musiqi Akademiyasının dəstəyi ilə K-pop Festivalının keçirilməsi üçün BMA-nın Opera Studiyası zalına baş çəkiblər. Görüş zamanı Koreyada keçiriləcək K-pop Festivalının final turunda Azərbaycanı təmsil edə biləcək K-pop qrupunun yaradılmasına Bakı Musiqi Akademiyasının köməklik göstərməsi və iki ölkənin musiqi mədəniyyəti haqqında maraqlı söhbət aparılıb.