• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    “ÜZEYİR HACIBƏYLİNİN MİLLİ MƏQAM SİSTEMİ GƏNC MUSİQİÇİLƏRİN TƏDRİS REPERTUARINDA” III RESPUBLİKA MÜSABİQƏSİ 

       

    Azərbaycan musiqi elmi və təhsilinin inkişafı istiqamətində daim innovativ, maraqlı layihələrlə töhfə verən Üzeyir Hacıbəyli adına Bakı Musiqi Akademiyasının (BMA) İxtisas musiqi məktəb-studiyası 18 fevral 2025-ci il tarixində “Üzeyir Hacıbəylinin milli məqam sistemi gənc musiqiçilərin tədris repertuarında” III Respublika müsabiqəsinin II mərhələsinə start verib. Müsabiqənin birinci mərhələsi 22 yanvar 2025-ci il tarixində Youtube internet platformasına yerləşdirilimiş videoçəkiliş əsasında keçirilmişdir. 

    Layihə Azərbaycan Respublikasının Elm və Təhsil Nazirliyi, Azərbaycan Respublikasının Mədəniyyət Nazirliyi və Üzeyir Hacıbəyli adına Bakı Musiqi Akademiyası tərəfindən dəstəklənir.

    Azərbaycan Respublikasının Əməkdar incəsənət xadimi, professor Tərlan Seyidovun müəllif layihəsi əsasında keçirilən bu müsabiqə ənənə halını almışdır. Belə ki, 2015-ci və 2017-ci illərdə “Üzeyir Hacıbəylinin milli məqam sistemi gənc musiqiçilərin tədris repertuarında” I və II Respublika festivalları baş tutmuşdur. Bunun davamı olaraq, cari ildə əlamətdar tarixlərə – Üzeyir Hacıbəylinin 140 illiyinə və Məktəb-studiyanın 45 illiyinə həsr olunmuş eyniadlı III Respublika müsabiqəsi təşkil olunmuşdur.

    24 fevral tarixində Üzeyir Hacıbəyli adına BMA-nın Böyük zalında Qaliblərin mükafatlandırılması və yekun konsert keçiriləcək.

    Müsabiqənin məqsədi milli musiqimizin zəngin ənənələrinin qorunub saxlanılması, gənc musiqiçilərin bu sahədəki bilik və bacarıqlarının inkişaf etdirilməsi və təkmilləşdirilməsidir.

     

    Back to Top