Bakı Musiqi Akademiyası
previous arrowprevious arrow
next arrownext arrow
Shadow
Slider

 

Tarix və müasirlik

 




20 yanvar faciəsinin ildönümünə hazırladığımız videoçarxı təqdim edirik.

Bütün Şəhidlərimizə ithaf olunur.

Var olun, dostlar! Allah Şəhidlərimizə rəhmət etsin, ruhları şad olsun!


FƏLSƏFƏ DOKTORU İMTAHANLARININ PROQRAMLARI

Elan!


Bakı Musiqi Akademiyası yeni layihə elan edir!

“MS Teams” və “Cisco Webex” təlimat sessiyaları


IV Международный Конкурс юных исполнителей оркестровых инструментов имени Евгения Микеладзе

IV Международный Конкурс молодых вокалистов имени Н.Андгуладзе


"NOTLARIN MÖCÜZƏSİ" online musiqi müsabiqəsi

Azərbaycan Respublikası Təhsil Nazirliyinin SABAH qruplarında 2020/2021–ci tədris ilinin yaz semestrində müxtəlif fənlərin tədrisini aparmaq məqsədilə vakant yerlər üçün professor-müəllim heyəti və mütəxəssislər saathesabı qaydada işə dəvət olunur!


"İçərişəhər" Dövlət Tarixi-Memarlıq Qoruğu 2021-ci ildə keçiriləcək "Yeni başlanğıc. Yeni baxış. Yeni şəhər" mövzusunda müsabiqə elan edir.

2021-ci il 22 fevral tarixində Azərbaycan Respublikası Mədəniyyət Nazirliyi tərəfindən Bakı Xoreoqrafiya Akademiyası tərəfindən "Xoreoqrafiya sənəti: Mövcud Problemlər, Müasir istiqamətlər və İnkişaf Perspektivləri" mövzusunda Beynəlxalq Elmi-Praktiki onlayn Konfrans keçiriləcəkdir.


Competitions
December 30, 2020

"First International Competition of Performers of Academic, Folk and Jazz Music" results.
Dedicated to the 40th anniversary of the Central Special Music School-Studio

MÜSABİQƏLƏR 
30 dekabr 2020-ci il

Akademik, xalq və caz musiqisi ifaçılarının Birinci Beynəlxalq müsabiqəsinin nəticələri.
BMA-nın məktəb-studiyasının 40 illiyinə həsr olunur!


2021-ci il 11-12 mart tarixlərində Azərbaycan Dövlət Mədəniyyət və İncəsənət Universiteti ölkəmizin II Qarabağ müharibəsində əldə etdiyi parlaq qələbəyə həsr olunmuş “Qarabağ Azərbaycandır!” adlı “Mədəniyyət: Problemlər və Perspektivlər” Doktorant və gənc tədqiqatçıların XV Beynəlxalq elmi Konfransını keçirir.

ÖNCƏ VƏTƏNDİR!

Qanlı yanvar və Qarabağ hadisələrinə həsr olunan

DƏYİRMİ MASA


Milli Musiqi və Qlobal Mədəniyyət Cəmiyyəti Azərbaycan-Amerika Musiqi Fondu ilə birgə 15 Yanvar, 2021 il tarixində Hacıbəyli adına Beynəlxalq bəstəkarlar müsabiqəsi elan edir.

2021-ci il 28-30 may tarixlərində İspaniyanın Barselona şəhərində Rus klasssik musiqisinin "Русская Альборада" adlı gənc ifaçıların VI Beynəlxalq müsabiqəsi keçiriləcəkdir.


 

 

 

Bakı Musiqi Akademiyası

bir çox nailiyyətlər və qələbələr əldə edərək çətin yollar

keçmişdir:  milli musiqi mədəniyyətinin uğurlu inkişafına köməklik göstərmiş

və respublikadan uzaqlarda da rəğbət və hörmət qazanmışdır.

 

 

  • 1
  • 2

13 yanvar 2021-ci il

Klassik, xalq və caz musiqisi tandemi

BMA məktəb-studiyasının 40 illiyinə həsr olunmuş 

Beynəlxalq müsabiqənin nəticələri yekunlaşdırılıb

 Ölkəmizdə Zəfər ilinin başa çatması  musiqi sənəti aləmində uğurlu hadisə ilə əlamətdar olmuşdur. Üzeyir Hacıbəyli adına Bakı Musiqi Akademiyası, onun praktiki və elmi-eksperimental laboratoriyası – Orta ixtisas musiqi məktəb-studiyası – akademik (klassik), xalq və caz musiqisi ifaçılarının məktəb-studiyanın yaranmasının 40 illiyinə həsr olunmuş ilk beynəlxalq internet-müsabiqəsini keçirmişdir.

Bakı Musiqi Akademiyasının rektoru, SSRİ Xalq artisti, professor Fərhad Bədəlbəylinin rəhbərliyi ilə keçirilən müsabiqə üç mürəkkəb və müxtəlif istiqaməti – akademik (klassik), xalq və caz musiqisini birləşdirdi. Ancaq bu müsabiqənin özünəməxsusluğu təkcə bu üç istiqamətin tandemində deyil, həm də burada musiqiçilərin yaş həddinə məhdudiyyət qoyulmadan iştirak etmələrindədir.

İştirakçılar Azərbaycan, Türkiyə və Rusiyanın görkəmli sənət xadimləri timsalında sərt və peşəkar münsiflər heyəti tərəfindən qiymətləndirildi.

Onlar arasında Atatürk Universitetinin professoru, pianoçu Həqiqət Məhərrəmova, Maqnitoqorsk Konservatoriyasının professoru, Rusiya Federasiyasının Əməkdar artisti, müğənni İrakli Qventsadze, Samara Dövlət Mədəniyyət İnstitutunun fortepiano kafedrasının müdiri, dosent Tatyana Svitova, Başqırdıstan Respublikasının Əməkdar incəsənət xadimi, Zaqir İsmaqilov adına Ufa Dövlət İncəsənət Akademiyasının nəfəs və zərb alətləri kafedrasının müdiri, professor Lidiya Fomenko, Bakı Musiqi Akademiyasının professorları Xuraman Qasımova, Nərminə Quliyeva, Nəzmiyyə Abbaszadə, Nəzakət Rimazi, Elnarə Məmmədova, dosent Anar Məmmədov, Milli Konservatoriyanın dosentləri Yusif Vəliyev və Elşən Mansurov, BMA məktəb-studiyasının müəllimləri Ofeliya Axundova, Gülnarə Quliyeva və Bülbül adına orta ixtisas musiqi məktəbinin müəllimiLalə Hüseynovaolmuşlar.

Müsabiqə həm gənc musiqiçilər – musiqi məktəbləri və konservatoriyalarının tələbələri, həm də püxtələşmiş mütəxəssislər – müsabiqənin yuxarı yaş qrupu iştirakçıları arasında böyük marağa səbəb oldu. Bunu dünyanın 9 ölkəsindən: Azərbaycan, ABŞ, Avstriya, Türkiyə, İran, İsrail, Rusiya, Ukrayna, Qazaxıstandan daxil olan 150-dən çox müraciət sübut edir.

İştirakçıların sayına görə pianoçular daha geniş tərkiblə təmsil olunurdu. Klavişli alətlər – "Fortepiano" və "Orqan" – nominasiyaları üzrə 85 iştirakçıdan 8 ifaçı birinci dərəcəli laureat adına layiq görülmüşdür. Orkestr alətləri ixtisaslarına görə 4 violin, 1 arfa, 2 klarnet, 4 fleyta, 1 zərb alətləri, 8 vokal ifaçısı qalib gəlmişdir.

Pianoçularımız arasından BMA-nın məzunu və məktəb-studiyasının keçmiş tələbəsi Vüsalə Babayeva (pedaqoq professor N.Quliyeva), məktəb-studiyanın 9-cu sinif şagirdi Nurel Kərimova (pedaqoq N.Mansurova) xüsusilə fərqləniblər. Astaradan olan iştirakçı Aysu Mustafazadə (pedaqoq A.Dadaşova) öz ifası ilə sevindirmişdir.

Laureatlar Sumqayıt Musiqi kollecinin tələbəsi Həmidə Süleymanova, Nərmin Hüseynli, Xənna Quliyeva və № 2 Uşaq İncəsənət Məktəbinin tələbəsi Büta Maqsudovanın yüksək hazırlığını xüsusi qeyd etməliyik. Onların hər dördü bir müəllimdən T.Abdullayevadan dərs alır.

Təlimçilər arasından BMA-nın dosenti Q.Mirzəyeva (Bülbül adına məktəbin şagirdi Əli Vəliyev), Azərbaycanın Əməkdar müəllimi K.Əmirova (G.Şaroyev adına məktəbin şagirdi Cəlalə İsmayılzadə), professor E.Kəbirlinskaya (BMA-nın tələbəsi Jalə Mailova), X.Usubova (Gəncə, şagird İlqar Bədəlli ), E.Süleymanova (№ 36 musiqi məktəbinin şagirdi Nuray Zeynallı) və başqaları yüksək səviyyəli iş nümayiş etdirdilər.

Violin ifaçılarının uğurları aşağıdakı kimi təqdim edildi. Birinci dərəcəli laureatlar Bülbül adına məktəbin şagirdləri Surə Həsənli (pedaqoq F.İdiatullina) və Kənan Məmmədzadə (pedaqoq N.Eyvazov), BMA-nın tələbəsi Nigar Əsgərova (professor F.İdiatulinanın sinfi) olmuşlar.

Məktəb-studiyanın şagirdi Emil Hüseynov ikinci dərəcəli laureat adına (pedaqoq N.Salamzadə) layiq görüldü.

Münsiflər heyəti tərəfindən yüksək qiymətləndirilərək laureatların sayı da artırılır, nəfəs və zərb alətləri sinfi klarnet ifaçıları – Asim Rzazadə (G.Şaroyev adına məktəb, pedaqoq V.Məmmədov), Orxan İbrahimov (BMA, pedaqoq dosent F.Məmmədov), fleyta – Məsumə Əliyeva (№ 23 musiqi məktəbi, pedaqoq R.Quliyeva) və zərbli musiqi aləti marimba ifaçısı Məhəmmədəli Ibrahimov (BMA məktəb-studiyası, pedaqoq F.Hüseynov).

BMA-nın tələbələri fleyta ifaçısı İlahə Məmmədova pianoçu Lalə Gözəlova ilə birlikdə "Ansambl ifaçılığı" nominasiyasında üçüncü yerə (pedaqoq professor T. Babayeva) layiq görüldü.

Birinci yeri qazanan BMA məktəb-studiyasının şagirdi Teymur Kazımov (O.Axundovanın sinfi) yüksək səviyyədə vokal ifaçılıq sənətinümayiş etdirdi.

Həmçinin Milli Konservatoriyanın nəzdində fəaliyyət göstərən İncəsənət Gimnaziyasının vokal ansamblı iştirakçılarını qeyd edək: Röya Əliyeva, Ellada Fətəliyeva, Aysu Cəbrayılova, Sara Tağızadə, Məhəmməd Səmədov və Müseyib Əsədov. Bu kollektiv pedaqoq V.Cəlilovanın rəhbərliyi ilə üçüncü yeri tutmuşdur.

Müsabiqənin yekunlarında xarici iştirakçılar da uğurla çıxış etdilər. Bunlar amerikalı pianoçular Ethan Li və Laura Kay (həmyerlilərimiz professor Namiq Soltanov və Nərminə Soltanovanın rəhbərliyi ilə hazırlanırdılar), Saratov Konservatoriyasının fortepiano fakültəsinin tələbələri  Ulyana Nikolayeva və Tatyana Lipanina  (pedaqoq dosent T.Neçayeva),  Ankaradan olan türkiyəli pianoçu Nurnilay Pınar, həmyerlimiz dosent S.Mirzəyeva tərəfindən hazırlanmış, Kiyev Pedaqoji Universitetinin vokal kafedrasının tələbəsi Kamilla İmanova (Ukrayna), İsrailin Hayfa şəhərindən olan ifaçılar Yefim Edelşteyn və Vladislav Estrin, L.M.Rostropoviç adına Orenburq Musiqi Kollecinin vokal şöbəsinin tələbəsi Milana Hümbətzadə və Qazaxıstandan olan gənc ifaçı Günel Şirinova (pedaqoq N.Zıkova).

İrandan olan yeganə iştirakçı pianoçu Rana Heidarian (pedaqoq K.Bokuçava) diplomant adına layiq görülmüşdür. Eyni ad məktəb-studiyanın iki şagirdinə bir nəfər Azərbaycanda “defisitli” ixtisaslar üzrə təmsil olunan blok-fleyta (İnci Cəfərli, müəllim Q.Həsənov) və violonçel ifaçısına (Abdulfariz Məmmədzadə, pedaqoq T.Mustafayeva) verilir.  Fəxri diplomant adı "Xalq çalği alətləri" nominasiyasında yeganə iştirakçı Turqay Ramazanzadəyə də (qarmon, Milli Konservatoriya, pedaqoq H.Dadaşov) verilmişdir.

"İnstrumental və vokal ansamblları" nominasiyasında üçüncü dərəcəli laureatların diplomlarını “Dolce Vita” qrupunun vokalistləri Hayfadan (İsrail) Elizabet Breytman, Yefim Edelşteyn, Vera Bıxovskaya, Vera Voyxanskaya, həmçinin Saratovdan  fleyta və fortepiano dueti Olqa Skripinskaya və Tatyana Neçayeva almışdır.

Münsiflər heyətinin yekdil qərarı ilə bu nominasiyada ən yüksək nailiyyət Vyanadan (Avstriya) olan möhtəşəm musiqiçilərin instrumental triosu – Səbinə Həsənova (fortepiano), Cenni Lippl (violin) və Mixa Ferk (saksofon) oldu.

Ümumiyyətlə dördüncü yaş qrupunda (25 yaş və yuxarı) çıxış edən – Azərbaycanın Əməkdar artistləri, BMA-nın dosentləri, müğənnilər İlham Nəzərov və Fəridə Məmmədova, habelə Türkiyədə yaşayan və çalışan Gülşən İbadova (vokal), pianoçular dosent Samirə Mirzəyeva və Yuri Sayutkin, fleyta ifaçıları Əminə Zülfüqarova  (Azərbaycan),  İnna  Fomenko və onun blok-fleyta üzrə şagirdi (yarışın ən gənc iştirakçısı) Səidə Biqayeva (Başqırdıstan, Ufa), "Orqan" nominasiyasında çıxış edən Nataliya Qolfarb (Rusiya, Saratov)  iştirakı ilə müsabiqənin yaradıcılıq səviyyəsini xeyli artırmıştanınmış sənətkarların adlarını qeyd etmək olar.

Gözəl  pianoçu, BMA-nın fortepiano kafedrasının müəllimi, keçmişdə məktəb-studiyada baza musiqi təhsili almış Zərif Kərimova təkcə pianoçu kimi deyil, həm də bəstəkar kimi çıxış etdi. O, öz müsabiqə proqramına fortepiano üçün Sonata və "Sona xanım"  Azərbaycan xalq mahnısının konsert işləməsini daxil etmişdir.

İştirakçıların bu qədər geniş coğrafiyası, müxtəlif alətlər və nominasiyalar, yubiley musiqi forumumuza peşəkarların marağının artması böyük əhəmiyyət kəsb edir.

Müsabiqənin nəticələri ilə Üzeyir Hacıbəyli adına Bakı Musiqi Akademiyasının rəsmi saytında tanış olmaq mümkündür:

http://musicacademy.edu.az/kheberler/musabigeler/2404-musabiqe-30dekabr-2020.html

Tərlan SEYIDOV,

Akademik, milli, caz ifaçılarının

Birinci Beynəlxalq müsabiqəsi

layihəsinin müəllifi və münsiflər heyətinin həmsədri,

BMA məktəb-studiyasının təsisçisi və direktoru,

Əməkdar incəsənət xadimi, professor

Bakı Musiqi Akademiyasında məzun günü.

  • Elektron təhsil resursları

    Elektron təhsil resursları

    Bu dərs vəsaitlərinin əsas fərqləndirici xüsusiyyəti – Azərbaycan musiqi təhsili ənənələrinin, bu sahədə çalışan müəllimlərin və tələbələrin zəngin təcrübəsinin, ən yeni kompüter texnologiyaları ilə uzlaşdırılmasından ibarətdir...

    Daha ətraflı

  • Musiqiçilər gülür

  • Dostluq şarjları


Bu bölmə Azərbaycan musiqiçilərinin incə yumoruna həsr olunub. Parlaq hazırcavablıq, əyləncəli paradokslar, gülməli vəziyyətlər, həyatda baş verən maraqlı hadisələr - bütün bunlar burada xatirələr vasitəsilə öz əksini tapır, onlarla təmasda olan hər kəsə çoxlu şən dəqiqələr yaşadır.
Daha ətraflı

Musiqi anı

- Atacan, mənə baraban al!
- Oğlum, imkan ver dincəlim, işimdə barabansız da o qədər səs-küy var ki.
- Atacan, al! Mən barabanda ancaq sən yatandan sonra çalacağam.
Daha ətraflı