• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    Ü.Hacıbəyli adına Bakı Musiqi Akademiyası tələbələrinin nəzərinə!

                                                        

    Azərbaycan Respublikası Mədəniyyət Nazirliyinin Mədəni və Yaradıcı Sənayelərin İnkişafı mərkəzinin dəstəyi, SUP VC MMCnin təşkilatşılığı ilə CulTech inkubasiya proqramı həyata keçirilir.

    Proqramın əsas məqsədi mədəniyyət sahəsində innovativ startapların inkişafını təşviq etməkdir. 12 həftəlik bu proqram, komandalara texnologiya, dizayn, biznes və incəsənət mövzularında həftəlik təlimlər təqdim edir. Bundan əlavə, hər iki həftədən bir keçirilən mentorluq sessiyaları iştirakçılara öz layihələrini peşəkar mütəxəssislərlə inkişaf etdirmək imkanı yaradır.

    Bakı Musiqi Akademiyası tələbələri üçün proqramın təqdimatı 11 dekabr 2024-cü ildə Kiçik zalda təşkil ediləcək. İştirak etmək istəyən tələbələri görüşə dəvət edirik.

                                         

    Back to Top