Ənənəvi musiqisi və müasir texnologiyalar kafedrasının əsasnaməsi
Azərbaycan Respublikasının Nazirlər Kabinetinin 2011-ci il 21 yanvar
tarixli, 9 nömrəli qərarı ilə təsdiq edilmiş “Ali təhsil müəssisələrinin
Nümunəvi Nizamnaməsi” əsasında hazırlanmış
ƏSASNAMƏ
1.1 Ali təhsil müəssisəsinin kafedrası ali məktəbin (fakültənin) əsas tədris-elm strukturudur. Kafedra bir sıra fənlər üzrə tədrisin metodiki, elmi-tədqiqat və elmi-pedaqoji kadrların hazırlanmasını, ixtisasların artırılmasını, təhsil alanlar arasında tərbiyə işlərin ciddi nəzarəti həyata keçirir.
1.2 Kafedranın kollektivi Azərbaycan Respublikasının qanunvericiliyinə, Təhsil Qanununa, Ali məktəb haqqında Əsasnaməyə, Ali məktənbin nizamnaməsinə əsasən, attestasiya qaydalarına uyğun olaraq ali təhsil müəssisəsinin professor-müəllim heyətinin vəzifələrə seçilməsini formalaşdırır və fəaliyyət göstərir.
1.3 Kafedraya ümumi rəhbərlik, bir qayda olaraq elmi dərəcəsi və fəxri adı olan kafedra müdiri tərəfindən həyata keçirilir.
1.4 Kafedra iclaslarında öz səlahiyyətlərini həyata keçirən orqan, onun kollektividir. Kafedra iclasları ayda bir dəfə, lazım olduqda, təxirə salınmaz məsələlərin həlli üçün növbədən kənar da çağırıla bilər.
1.5 Kafedranın tərkibinə professorlar, dosentlər, məsləhətçilər, baş müəllim və digər kateqoriyalardan olan işçilər daxildir.
1.6 Kafedra ən azı 5 professor-müəllim (həmçinin 3 nəfər elmi dərəcəyə malik) olduqda yaradılır. Kafedranın illik tədris yükü üç min saatdan az olmamalıdır.
1.7 Kafedrada “İxtisas”, “Azərbaycan xalq musiqisinin əsasları”, “Azərbaycan xalq musiqi yaradıcılığı”, “Muğam”, “Muğam sənəti”, “Tədris metodikası”, “Türk xalqlarının musiqisi”, “Etnik mədəni tarix”, “Şərq xalqlarının professional musiqisi”, “Azərbaycan xalq musiqisinin nota yazılması”, “Azərbaycan xalq musiqisinin təhlili”, “Azərbaycan xalq musiqisinin aranjimanı”, “Xüsusi pedoqoji hazırlıq”, “Yaxın və orta şərq xalqlarının professional musiqisi”, “Mənbəşünaslıq” fənləri tədris olunur.
1.8 Kafedra iclaslarına və ixtisas imtahanlarına, ixtisas yönümlü digər ali məktəblərin, elmi-tədqiqat müəssisələrin, institut və təşkilatların mütəxxəsisləri də dəvət oluna bilər.
1.9 Kafedranın nəzdində 1932-ci ildə Bülbül tərəfindən yaradılmış Azərbaycan xalq musiqisi Elmi-Tədqiqat Kabineti fəaliyyət göstərir. Musiqişünas, etnomusiqişünas, bəstəkar tələbələr üçün xalq musiqi nümunələrinin t6oplanması və nota yazılma təcrübəsinin təşkil edilməsinin təmçin edir.
1.10 Kafedra mövcud qayadada ali məktəb (fakültə) elmi şürasının təqdimatına əsasən rektorun əmri ilə yaradılır və ləğv olunur.
1.11 Kafedranın professor-müəllim və elmi-heyətin vəzifələrə seçilməsi bir qayda olaraq mövcud əsasnaməyə uyğun müsabiqə yolu ilə həyata keçirilir.
1.12 Kafedranın və onun tərkibindəki digər struktur qurumlarının Əsasnaməsi Ali məktəb haqqında Əsasnaməyə uyğun olaraq hazırlanır və ali məktəbin elmi şurası tərəfindən təsdiq edilir.
KAFEDRANIN ƏSAS VƏZİFƏLƏRİ
2.1 Bütün təhsil formaları üçün tədris planlarında nəzərdə tutulmuş, nəzəri məşğələ, fərdi və digər dərslərin yüksək səviyyədə aparılması və boloniya sisteminə uyğun olaraq imtahandan qabaq ilkin balların toplanılması;
2.2 Kurs üzrə tələb olunan imtahan qabağı ilkin ballarln toplanılması məqsədi ilə imtahanın (kollokvium, seminar və s.) təşkili və keçirilməsi, buraxılış işlərinə və tələbələrin sərbəst dərslərinə rəhbərlik edilməsi;
2.3 Tələbələrin gələcəkdə musiqişünas, etnomusiqişünas və pedaqoq kimi yetişməsində mühüm rol oynayan elmi və publisistik məqalə, məruzə və ressenziyaların, konsert, yubiley gecələri, konfrans, simpoziumlarda müxtəlif çıxışlara hazırlamaq və istiqamətləndirmək;
2.4 Kafedrada tədris edilən fənlər üzrə proqramların işlənib hazırlanması və müvafiq qaydada tədris üçün təqdim olunması, həmçinin digər kafedralarda hazırlanan proqramlara rəy verilməsi;
2.5 Dərslik, dərs vəsaitləri, metodiki vasitələr və göstərişlərin hazırlanması, rektorluğun göstərişi ilə tədris metodiki ədəbiyyata rəy verilməsi;
2.6 Elmi-tədqiqat işlərinin aparılması, tələbələrin elmi-tədqiqat işlərinə rəhbərlik.
2.7 Tamamlanmış elmi-tədqiqat işlərinin müzakirəsi, onların tədris və yaradıcılıq prosesinə daxil olunması;
2.8 Kafedra əməkdaşlarının tədris, elmi-metodiki və digər işlərinin fərdi planlarının hazırlanması və həyata keçirilməsi;
2.9 Respublikanın və xarici ölkələrijn ali məktəblərinin ayrı-ayrı kafedralarının preofessor-müəllim heyətinin qabaqcıl iş təcrübəsinin öyrənilməsi və yayılması yeni işə başlayan gənc müəllimlərə pedaqoji təcrübə toplamaqda köməklik göstərilməsi və onların təcrübəli müəllimlərin dərslərində iştirakının təmini;
2.10 Tədris prosesində tələbələrin inkişafı məqsədi ilə müasir texniki vasitələrdən istifadə edilməsinə dair tədbirlər hazırlayıb həyata keçirilməsi;
2.11 Elmi-pedaqoji kadrların hazırlanması;
2.12 Kafedra əməkdaşlarının, həmçini rektorluğun (fakültənin) tapşırığı əsasında digər iddiaçıların dissertasiyalarının müzakirə edilib rəy verilməsi;
2.13 Qabaqcıl təcrübənin öyrənilməsi üçün bu yönümlü ixtisasları tədris edən ali məktəb müəssisə və təşkilatlarla əlaqələrin yaradılması;
2.14 Açıq dərlərin təşkili və protokollaşdırılması
2.15 Akademiyanın tədbirlərində, kafedra müəllimlərinin iştirakının təşkili;
2.16 Professor-müəllim heyətinin müxtəlif mövzular əsasında tələbələr üçün mühazirələrin hazırlanması;
2.17 Azərbaycan və dünya xalqlarının bəstəkar və müsiqişünaslarına həsr olunmuş konfrans, konsert və xatirə gecələrinin təşkili, çıxışların təşkili;
2.18 Kurs və buraxılış işlərinin müzakirəsi, təsdiq olunması;
2.19 Tələbələrin hüquqlarını nəzərə alaraq ixtisas üzrə müəllim seçimlərini təmin etmək;
2.20 Kafedra qarşısında duran digər məsələlərin də müzakirəsi və müvafiq qərarların qəbul edilməsi.
KAFEDRA İCLASLARI
Kafedra iclaslarında aşağıdakı məsələlər müzkirə olunub təsdiq edilir:
3.1 Kafedranın bütün fəaliyyət növləri üzrə, eyni zamanda müəllimlərin elmi-tədqiqat, tədris yaradıcılıq heyətinin plan və hesabatları;
3.2 Kafedra tərəfindən tədris olunan fənlər üzrə dərslik və dərs vəsaitləri, tədris vəsaitləri, proqramlar;
3.3 Müəllimlərin tədris yükü və tədris yükünün bölünməsi;
3.4 Kafedra tərəfindən təşkil olunan seminarların və konfransların tematikası;
3.5 Kurs və buraxılış işlərinin mövzusu, rəhbərlərin və rəy verənlərin təyini, işlərin müdafiəyə buraxılması;
3.6 Kafedra müəllimlərinin elmi dərəcə alması üçün təqdimatın müzakirəsi;
3.7 Kafedra iclasında qəbul olunan qərarlar barədə fakültənin elmi iclasına, zərurət olduqda isə ali məktəb rektorluğuna və elmi şuraya məlumatın verilməsi;
3.8 Kafedra müdirirnin seçilməsi;
3.9 Dissertasiyaların müzakirəsi;
3.10 Elmi və tədris metodiki işlərin müzakirəsi
3.11 Musiqişünaslıq və etnomusiqişünaslıq ixtisaslarının spesifikliyini nəzərə alaraq proqramalar, sillabus, fərdi plan və imtahan təlabatlarının mütəmadi olaraq redaktə olunması;
Kafedra iclasında qararlar açıq səsvermə yolu ilə qəbul edilir, tədris-metodiki məsələlərin və kafedra əməkdaşlarının işə qəbul olunması haqqında təqdimatın müzakirəsəi, tədris-tərbiyə prosesində iştirak edən kafedra üzvlərinin səsi həlledicidir.
KAFEDRA MÜDİRİ
4.1 Kafedra iclaslarını çağırır, onlara sədrlik edir, onların qərarlarını təsdiq edir;
4.2 Hər il kafedranın fəaliyyəti barədə hesabat təqdim edir;
4.3 Fakültə və kafedranı kənar təşkilatlarda təmsil edir;
4.4 Kafedranın fəaliyyətinin nəticələrinə görə kafedranın kollektivi, fakültə, ali məktəb elmi şurası və rəhbərlik qarşısında məsuliyyət daşıyır;
4.5 Kafedraya rəhbərlik qanunavericiliklə müəyyən edilmiş qaydada təyin olunan kafedra müdiri həyata keçirir;
4.6 Kafedra müdiri kafedra müəllimlərinin və tələbələrinin dərsə davamiyyətinə, keçid və imtahanlarına nəzarət edir;
4.7 Kafedra müdiri fərdi dərs cədvəllərinin qurulmasında nəzarət edir.