• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

     "Kitab sənəti” müsabiqəsində qalib gəlmiş Azərbaycan kitablarına diplomlar təqdim olundu

     

    Xəbər verdiyimiz kimi, 2017-ci ilin 5-6 iyun tarixində Rusiya Federasiyasının Moskva şəhərində keçirilən MDB-yə üzv dövlətlərin XIV Beynəlxalq "Kitab sənəti” müsabiqəsinin münsiflər heyətinin iclasında 11 adda Azərbaycan kitabı müsabiqənin əsas nominasiyaları üzrə qalib gəlmişdir.

    8 sentyabr 2017-ci il tarixdə Moskva şəhərində təşkil olunan Beynəlxalq Kitab Sərgi-Yarmarkasında XIV Beynəlxalq "Kitab sənəti” müsabiqəsində qalib gəlmiş kitablara diplomların təqdimolunma mərasimi keçirilmişdir. Azərbaycan kitablarının mükafatları “Kitab sənəti” müsabiqəsinin münsiflər heyətinin üzvü, Mədəniyyət və Turizm Nazirliyinin Kitab dövriyyəsi sektorunun müdiri Lətifə Məmmədovaya təqdim olunmuşdur.

    Mədəniyyət və Turizm Nazirliyinin Kitab dövriyyəsi sektorunun müdiri Lətifə Məmmədova, eyni zamanda 7-9 sentyabr tarixində Rusiya Federasiyasının Moskva şəhərində keçirilən MDB-nin Dövri mətbuat, kitab nəşri, kitab yayımı və poliqrafiya sahəsində əməkdaşlıq üzrə Dövlətlərarası Şurasının XXII iclasında da iştirak edərək “Uşaq və gənclərin mütaliəsinin vəziyyəti və onun təkmilləşdirilməsi ilə bağlı tədbirlər” mövzusunda məruzə ilə çıxış etmişdir.

    Məlumat üçün bildiririk ki, Mədəniyyət və Turizm Nazirliyinin dəstəyi ilə sözügedən müsabiqəyə Azərbaycan Respublikası adından müxtəlif nominasiyalarda iştirak üçün 14 adda kitab göndərilmişdir. Azərbaycan müsabiqədə on bir nominasiya üzrə qalib gəlmiş Müstəqil Dövlətlər Birliyi arasında yeganə ölkədir.