17 mart 2025-ci il tarixində Üzeyir Hacıbəyli adına Bakı Musiqi Akademiyasında “İxtisas fortepiano” kafedrasının müəllimi Alla Əfəndiyevanın açıq dərsi keçirildi. 

Öncə A.Əfəndiyeva ifa olunacaq əsərin müəllifi, onun yaradıcılığı və əsər haqqında məlumat verdi. Sonra əsərin texniki, bədii tərəfləri üzərində işlənildi. 

Təqdim olunan açıq dərsdə BMA-nın “Fortepiano” fakültəsinin dekanı, Əməkdar müəllim, professor Nəzakət Rimazi, “İxtisas fortepiano” kafedrasının müdiri, Əməkdar artist, professor Samirə Aşumova, kafedranın müəllim və tələbə heyəti, həmçinin Metodiki şuranın üzvü Bakı Musiqi Akademiyasının professoru Lalə Cəfərova da iştirak etmişdir.

Tədris prosesini izləyən müəllim və tələbələr dərsin yüksək səviyyədə təşkil olunduğunu qeyd edərək, belə elmi-praktik seminarların gənc pianoçuların  peşəkar inkişafında mühüm rol oynadığını vurğuladılar.

Üzeyir Hacıbəyli adına Bakı Musiqi Akademiyası musiqi təhsili sahəsində innovativ yanaşmaları və akademik mühitin inkişafına yönəlmiş tədbirləri ilə ölkəmizin aparıcı musiqi ocaqlarından biri kimi fəaliyyətini davam etdirir.