24 Dekabr 2024-cü il tarixində Üzeyir Hacıbəyli adına Bakı Musiqi Akademiyasının “Humanitar fənlər” kafedrasının baş müəllimi Xavər Səfərovanın “Tarix-Nəzəriyyə” fakültəsinin Musiqişünaslıq ixtisası üzrə I kurs tələbələri ilə keçirdiyi “Azərbaycanda ərəb əsarəti” mövzusuna həsr olunmuş açıq dərsi baş tutmuşdur. Açıq dərs zamanı tələbələrin hazırladığı slayd təqdimatlar və mühazirələr marağa səbəb olmuşdur. Tələbələrdən Sevinc Hüseynova, Ayşən Rəfizadə xilafət haqqında və ərəblərin islam dinini yaymasından geniş bəhs etmişlər. Müəllim Xavər Səfərova Ərəblərin Azərbaycan torpaqlarını VIII əsrin II yarısında işğal etməsindən, səekərdə Cavanşirin xarici siyasətindən, Babəkin rəhbərliyi altında Xalq Azadlıq hərəkatından, Cavanşir və Babəkin Azərbaycançılıq ideyasından, torpaqlarımızın qorunması, ərazimizin bütövlüyü, suverenliyi barədə məlumat vermişdir. Keçirilən açıq dərs zamanı I kurs tələbəsi NəzrinMəmmədova mövzu ilə bağlı çıxış etmişdir. Açıq dərsdə iştirak edən “Tarix -Nəzəriyyə” fakültəsinin dekanı Gülzar xanım Mahmudova öz müsbət rəyini bildirmişdir.