2024-cü il dekabrın 10-11 tarixlərində Azərbaycan violin məktəbinin inkişafında böyük rol oynamış əməkdar müəllim, professor Hokuma Aliyeva Qazaxıstanda keçirilən Aytkeş Tolqanbayev adına l Beynəlxalq violin müsabiqəsinə münsiflər heyətinin fəxri üzvü kimi dəvət aldı. İki mərhələdən ibarət olan müsabiqədə Hökümə xanımın dəyərli məsləhətləri Qazaxıstan musiqiçiləri tərəfindən yüksək qiymətləndirildi. Bir ustad kimi Azərbaycan violin məktəbinin seçilən nümayəndəsi olan Hökümə Əliyeva öz bilik və yüksək səviyyəli ustad bacarıqları ilə böyük rəğbət qazanmış və Azərbaycan violin məktəbinin gücünü respublikamızın hüdudlarından kənarda layiqli təmsil etmişdir.

Hökümə xanımın ustadlıq dərsinin işığına yığışan violin ifaçılarının böyük ordusu  ustadımızın dərsindən, onun peşəkar ifaçılıq texnikasının incə məqamlarından və illərlə topladığı təcrübə mücrüsünün incilərindən faydalanaraq, ustadımızı mütəmadi dərslər aparmaq üçün növbəti sənət görüşlərini səbrsizliklə gözlədiklərini bildirdilər.   Mukan Tolebayev adına musiqi kollecinin dərin təşəkkür məktubu və diplomu ilə təltif olunan Hökümə xanımı ürəkdən təbrik edirik. Fəxr edirik ki, Azərbaycan musiqi mədəniyyətinin belə layiqli təmsilçiləri var.