19 dekabr 2024-cü il  tarixində Üzeyir Hacıbəyli adına Bakı Musiqi Akademiyasının “Nəfəs və zərb alətləri” kafedrasının professoru, Sənətşünaslıq üzrə fəlsəfə doktoru, Əməkdar müəllim Lalə Cəfərovanın Nəfəs və zərb alətləri orkestrinin “Partitura qiraəti” fənni üzrə açıq dərsi keçirildi. 

Onu da qeyd edək ki, açıq dərsdə BMA-nın “Nəfəs və zərb alətləri” kafedrasının müdiri, Azərbaycan Respublikasının Xalq artisti, professor Yusif Axundzadə, dosent Fikrət Məmmədov, dosent Rafiq Əhmədov və digər kafedraların tələbələri iştirak edirdilər.

Açıq dərsdə 4-cü kurs tələbələri iştirak etdilər. 

Qeyd etmək lazımdır ki, müəllim dərsi tələbələrlə dialoq formasında keçdi. Belə ki, tələbələr müəllimin verdiyi sualları -  nəfəs alətlərinin diapozon, transportlarını, nəfəs alətlərinin ifa texnikaları, onların partiturada quruluşu və partitura qiraətində əsas funksiyalarını tam dolğun şəkildə cavablandırdılar. 

Ümumilikdə dərs çox canlı və maraqlı gedişatı ilə fərqli idi. Burada müəllimin xüsusi metodikası sayəsində demək olar ki, hər bir tələbə tam kursu çox ətraflı şəkildə izah edirdilər. 

“Nəfəs və zərb alətləri” kafedrasının müdiri professor Yusif Axundzadə Lalə Cəfərovanın dərs metodikası haqqında yüksək fikirlərini söylədi və müəllimin dərs metodikasının düzgün qurulduğunu qeyd etdi. 

Açıq dərsdə iştirak edən müəllimlər Lalə Cəfərova və onun tələbələrinə uğurlar arzuladılar.