14 dekabr 2024-cü il tarixində Üzeyir Hacıbəyli adına Bakı Musiqi Akademiyasında Rusiya Federasiyasının məşhur caz ifaçısı Yakov Okunun ustad dərsi keçirildi.

Öncə Azərbaycanın Xalq artisti, BMA-nın Beynəlxalq əlaqələr və sosial məsələlər üzrə prorektoru, professor Yeganə Axundova ustad dərsin qonaqlarını və iştirakçılarını salamlayaraq, istedadlı musiqiçini tamaşaçılara təqdim etdi.

O da öz növbəsində BMA-nın rəhbərliyi və kollektivinə qonaqpərvərliyə görə təşəkkürünü bildirdi və dəyərli musiqiçilərlə bu  musiqi ocağında görüşməkdən məmnun olduğunu vurğuladı. 

Ustad dərsdə Chick Coreanın “Armando’s Rhumba”, Antonio Carlos Jobimin “The Girl From Ipanema”, Duke Ellingtonun “Take The A Train”, 

Duke Ellingtonun “Caravan” (Üzeyir Hacıbəyli adına Bakı Musiqi Akademiyasının 4-cü kurs tələbəsi Hidayət Sadıqbəyli), R.Şumanın “Грезы”, F.Skryabinin Etüd 12 op.8 (BMA-nın məzunu Rəşid Behbudov), “Stella by starlight” (Milli Konservatoriyanın tələbəsi Cavanşir Abdullalı), “F blues” (Milli Konservatoriyanın tələbəsi Nicat Quliyev), Billie’s Bounce Charlie Parker, On green dolphin street-Bronislau Kaper (İncəsənət Gimnaziyasının 11-ci sinif şagirdi Məhəmməd Allahverdiyev) əsərləri üzərində işlənildi. 

Gənc ifaçılar peşəkar musiqiçidən faydalı məsləhət və tövsiyələr aldılar.