• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    26 oktyabr - 06 noyabr 2021-ci il

    26 oktyabr - 06 noyabr tarixlərində Azərbaycan Respublikası Mədəniyyət  Nazirliyinin Ü.Hacıbəyli adına Bakı Musiqi Akademiyasının 100 illik yubileyinə həsr edilmiş  “Jazzery Voices” layihəsi çərçivəsində  İliya adına Tbilisi Dövlət Universitetinin estrada-caz fakültəsinin müəllimi, caz tədqiqatçısı, caz ifaçılığı və bəstəçiliyi üzrə fəlsəfə doktoru İrina Ebralidze tərəfindən 1 noyabr 2021-ci il tarixində Üzeyir Hacıbəyli adına Bakı Musiqi Akademiyasının Q.Qarayev adına Konfrans zalında caz-vokal ifaçılığı üzrə “Caz standartları üzərində çalışmanın əsasları” mövzusunda ustad dərsi keçirildi.

    İlk öncə "Musiqi nəzəriyyəsi" kafedrasının dosenti, Sənətşünaslıq üzrə fəlsəfə doktoru Turan Məmmədəliyeva ustad dərsdə iştirak edən hər kəsi salamlayaraq, "Jazzery Voices" layihəsi, İrina Ebralidze haqqında məlumat verərək, çıxış edən ifaçıları tamaşaçılara təqdim etdi.

    Ustad dərsi Beynəlxalq caz festivalları laureatı Əfqan Rəsulun müşayiətilə Azərbaycan Milli Konservatoriyasının "Populyar musiqi və caz

     

    ifaçılığı" ixtisasının ll kurs tələbəsi  Babək Quliyevin (Ray Charles "Georgia on my mind"), Azərbaycan Milli Konservatoriyasının  "Populyar musiqi və caz ifaçılığı (vokal)" ixtisasının ll kurs tələbəsi Aynel Mehdiyeva (Duke Ellington "Satin Doll") və Sumqayıt Musiqi Kollecinin Skripka ixtisası üzrə məzunu, 2018-2019-cu illərdə Bakı Caz Festivalı çərçivəsində Caz müsabiqəsinin diplomantı, 2021-ci ildə eyniadlı müsabiqənin lll pilləsinə layiq görülmüş Əsmər Nəcəfovanın  ifalarında caz kompozisiyaları (Lester Young "All of me")  səsləndirildi. 

    İrina Ebralidze hər ifaçını diqqətlə dinlədikdən sonra ifaçıların xırda nöqsanlarını düzəltməyə çalışdı və hər bir tələbəyə öz tövsiyə və məsləhətlərini də verib, onlara uğurlar arzu etdi. O, parlaq müşayiətinə görə Əfqan Rəsula da dərin minnətdarlığını bildirdi.

    Azərbaycan Milli Konservatoriyasının, Azərbaycan Dövlət Mədəniyyət və İncəsənət Universitetinin və b. tədris müəssisələrinin tələbələri də ustad dərsdə iştirak edirdilər.

    Qeyd edək ki, layihə çərçivəsində yetkin və gənc nəsil ifaçılarının konsertləri, caz vokal ifaçılığı üzrə ustad dərsi, Elmi-yaradıcı Konfrans və Qala-konsert  keçiriləcəkdir. Konsertlər Beynəlxalq Muğam Mərkəzində baş tutacaqdır.