2026-cı il 1-3 may tarixlərində Özbəkistan Respublikasının paytaxtı Daşkənd şəhərində "Поющий рояль"  adlı pianoçuların Beynəlxalq müsabiqəsi  keçirilmişdir. 

Beynəlxalq müsabiqədə səkkiz ölkənin nümayəndələri müxtəlif yaş kateqoriyalarında iştirak edirdilər. Azərbaycan nümayəndə heyətinə Üzeyir Hacıbəyli adına Bakı Musiqi Akademiyasının  Tədris işləri üzrə prorektoru, Əməkdar müəllim, professor Nərminə Quliyeva  rəhbərlik edirdi. Ü.Hacıbəyli adına BMA-nın III kurs tələbəsi Günel Günaşova (müəllim:professor Afaq Rüstəmova) I yerə, Məktəb Studiyanın 4-cü sinif şagirdi Uğur Həşimzadə ( müəllim:Anna İsrafilova) öz yaş kateqoriyasında II yerə layiq görülmüşlər. Ü.Hacıbəyli adına BMA - nın prorektoru, professor Nərminə Quliyeva Daşkənd Beynəlxalq Müsabiqəsinin münsiflər heyətinin üzvü olmaqla yanaşı, Daşkənd Dövlət Kanservatoriyasında ustad dərslər də keçirtmişdir. Professor Nərminə Quliyeva  eyni zamanda Daşkənd Dövlət Konservatoriyasının rəhbər şəxsləri ilə görüşmüş və  onlar yaxın zamanda Daşkənd Dövlət Konservatoriyası ilə Üzeyir Hacıbəyli adına Bakı Musiqi Akademiyası  arasında  qarşılıqlı əməkdaşlıq haqqında müqavilə bağlanacağı barədə razılığa gəlmişlər.