• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    23 oktyabr 2024-cü il

    2025-ci ilin fevral ayında BƏƏ-də keçiriləcək “Fujairah International Piano Competition” müsabiqəsinin 2024-cü il 23 oktyabr tarixində Üzeyir Hacıbəyli adına Bakı Musiqi Akademiyasında Azərbaycan üzrə seçim turu keçirildi.
    Azərbaycan üzrə müsabiqənin münsiflər heyətinin üzvləri Xalq artisti Bakı Musiqi Akademiyasının Beynəlxalq əlaqələr və sosial məsələlər üzrə prorektoru, professor Yeganə Axundova, Azərbaycan Dövlət Akademik Filarmoniyasının direktoru, Xalq artisti, professor Murad Adıgözəlzadə, Əməkdar müəllim, Fortepiano fakültəsinin dekanı, professor Nəzakət Rimazi və Fujairah Fine Art Academynin direktoru; müsabiqənin baş meneceri Ali Obaid Al Heifeiti, İdarə Meneceri Ayman Khafagydir.
    Seçim turunda Üzeyir Hacıbəyli adına Bakı Musiqi Akademiyasının tələbələri, İncəsənət Gimnaziyasının, Bülbül adına Orta İxtisas Musiqi Məktəbinin şagirdləri iştirak etmişlər.
    Seçim turunun nəticələri yaxın zamanlarda münsiflər heyəti və təşkilatçılar tərəfindən elektron ünvan vasitəsilə bildiriləcəkdir.
    Qeyd edək ki, müsabiqənin seçim turu müxtəlif ölkələrdə keçirilir və seçim turunda hər ölkədən iştirak edən musiqiçilər arasından ən peşəkar ifaçılar seçilib BƏƏ-nin Fujairah şəhərində keçiriləcək müsabiqəyə qatılacaqdırlar.

    Back to Top