15 sentyabr 2025-ci il tarixində  Üzeyir Hacıbəyli adına Bakı Musiqi Akademiyasının Böyük zalında bu Ali təhsil ocağına qəbul olmuş birinci kurs tələbələri ilə görüş keçirildi.

Görüşdə Bakı Musiqi Akademiyasının Tədris işləri üzrə prorektoru, Əməkdar müəllim, professor Nərminə Quliyeva hər kəsi salamlayaraq, tələbə adını qazanmış gənc musiqiçiləri təbrik edib, uğurlar arzu etdi. 

Nərminə xanım dahi bəstəkar Üzeyir Hacıbəylinin 140 illiyi çərçivəsində müxtəlif tədbirlərin, konsertlərin, festivalların və müsabiqələrin keçirildiyini  vurğuladı və bütün gənc ifaçıları tədbirlərdə, müsabiqələrdə fəal iştirak etməyə, Bakı Musiqi Akademiyasının tələbəsi adını fəxrlə təmsil etməyə və musiqi mədəniyyətimizi layiqincə təbliğ etməyə səslədi.

Eyni zamanda N.Quliyeva  Baloniya sistemi haqqında, onun tələbləri, strukturu, qaydaları barədə tələbələri məlumatlandırdı.

Daha sonra o, ixtisas fənnləri ilə yanaşı tələbələrə digər faydalı fəaliyyətlərlə məşğul olmalarını  tövsiyə etdi (BMA-nın İdman kafedrasında keçirilən müxtəlif oyunlar, yarışlar).

Ardınca digər prorektor və dekanları tələbələrə təqdim edib,  Xalq artisti, professor Yusif Axundzadə, Xalq artisti, BMA-nın Beynəlxalq əlaqələr, sosial məsələlər və ictimaiyyətlə əlaqələr üzrə prorektoru, professor,  Yeganə Axundova, Əməkdar incəsənət xadimi, professor Nəzmiyyə Abbaszadə, Əməkdar incəsənət xadimi, professor Ceyhun Allahverdiyev, Filologiya üzrə elmlər doktoru, professor Tərlan Quliyevə söz verdi.

Onlar da öz növbəsində birinci kurs tələbələrini təbrik edib, onlara gələcək təhsil illərində müvəffəqiyyətlər arzuladılar. 

Sonda digər dekan və kafedra müdirləri tərəfindən tələbələrin sualları cavablandırıldı.