• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    23 may 2025-ci il 

    Üzeyir Hacıbəyli adına Bakı Musiqi Akademiyasının bir sıra müəllimləri - professor Kəmalə Mirbabayeva, Nərgiz Kəngərli, Cəmilə Abdullazadə, Günel Zeynallı, Könül Hüseynova, Leyla Zeynalova, Aynur İsgəndərova

    2025-ci il 12-23 may tarixlərində N.Q.Jıqanov adına Kazan Dövlət Konservatoriyasında  ixtisasartırma (onlayn) kurslarında iştirak etmişlər.

    Bakı Musiqi Akademiyasının Tədris işləri üzrə prorektoru, professor Nərminə Quliyeva, elmi işlər üzrə prorektor, professor Gülnaz Abdullazadə və Əlavə təhsil şöbəsinin müdiri, dosent Nərgiz Hüseynovanın iştirakı ilə 30 iyun tarixində kursları təsdiq edən sənədin təqdimetmə mərasimi keçirildi. 

    Mərasimdə iştirakçılara şəhadətnamələr təqdim olundu.

    Müəllimlər ixtisasartırma ilə bağlı təəssüratlarını bölüşdü və onlara yaradılan şəraitə görə rəhbərliyə öz təşəkkürlərini bildirdilər.

    Back to Top