Üzeyir Hacıbəyli adına Bakı Musiqi Akademiyasının bir qrup müəllimləri - Əməkdar artist Nigar Məlikova, dosentlər Züleyxa Abdulla, Aynur Xəlilova, baş müəllimlər Nigar Həsənova, Afaq Qarayeva, Lalə Muxtarova, Günel Eyvazzadə, müəllimlər Cəmilə Əmirova, Günel Kazımova N.Q.Jiqanov adına Kazan Dövlət Konservatoriyasında  ixtisasartırma(onlayn) kurslarında iştirak etmişlər. 

27 sentyabr 2023-cü il tarixində ixtisasartırma  kursunu keçən müəllimlərə şəhadətnamələrinin təqdimatı keçirilmişdir.

 Təqdimatda BMA-nın Tədris işləri üzrə prorektoru, professor Nərminə Quliyeva, Əməkdar İncəsənət Xadimi, Elmi-tədqiqat və yaradıcılıq işləri üzrə prorektor, professor Gülnaz Abdullazadə, Xalq artisti, BMA-nın Beynəlxalq əlaqələr və sosial məsələlər üzrə prorektoru, professor Yeganə Axundova, əlavə təhsil şöbəsinin müdiri Nərgiz Hüseynova iştirak etdilər. N.Quliyeva çıxış edərək müəllimlərə gələcək işlərində uğurlar arzuladı. G.Abdullazadə ixtisasartırma haqda hər kəslə fikirlərini bölüşdü. Yeganə Axundova da müəllimləri təbrik edərək, hamıya müvəffəqiyyət arzuladı. N.Hüseynova təşkilatı işlərdə kömək və dəstəyə görə rəhbərliyə öz minnətdarlığını bildirdi.