• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    24 may  2023-cü il

    24 may 2023-cü il tarixində Üzeyir Hacıbəyli adına Bakı Musiqi Akademiyasında Fəlsəfə elmləri doktoru, BMA-nın “Azərbaycan Ənənəvi musiqisi və müasir texnologiyalar” kafedrasının professoru Mina xanım Hacıyevanın prodüseri olduğu Sosial layihənin “Yaradıcılıq psixologiyası” adlı növbəti tədbiri keçirildi. 

    Qeyd edək ki, layihə Ümummilli lider Heydər Əliyevin anadan olmasının 100 illiyinə həsr olunmuşdur.

    Mina xanım bütün qonaqları salamlayaraq, layihə haqqında ümumi məlumat verdi və çıxış edəcək tələbələri təqdim etdi.

    Sosial layihədə BMA-nın tələbələri Lamiyə Sərxanova “Qabiliyyətlər”, İlahə Məmmədova “Lüdviq van Bethoven”, Gülnar Nəbi isə “Frida Kahlo” mövzuları ilə çıxış etdilər.

    Səmimi söhbət sosial layihəsi gənclər tərəfindən böyük maraqla qarşılandı.

    Back to Top