30 aprel 2026-cı il tarixində Ü. Hacıbəyli adına Bakı Musiqi Akademiyasında “Tarix–Nəzəriyyə” fakültəsinin II kurs magistr tələbəsu Raul Hüseynov tərəfindən hazırlanmış “Renessansdan Modernə III” adlı seminar-konsert keçirildi.

Konsert proqramında B. Naborş, F. Qarayev, R. Həsənova, A. Məmmədova, E. Kriqer, A. Xinastera, N. Koşkin və R. Dyenes kimi müasir bəstəkarların əsərləri səsləndirilmişdir. Konsert dinləyicilər tərəfindən böyük maraqla qarşılanmış və ifaçının yüksək hazırlıq səviyyəsini bir daha təsdiqləmişdir. Tədbirin sonunda R. Hüseynovun müəllimi — tanınmış musiqiçi Elmar Sultan, eləcə də bəstəkar, “Musiqi-nəzəriyyəsi” kafedrasının dosenti Aliyə Məmmədova çıxış etmişlər. Onlar ifa səviyyəsini yüksək qiymətləndirmiş, əsərlərin dərin və məzmunlu interpretasiyasını xüsusi qeyd etmiş, həmçinin proqramın maraqlı və düşünülmüş konsepsiyasını vurğulamışlar.