• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    27 aprel  2026-cı il 

    27 aprel 2026-cı il tarixində Zaqatala rayon Mədəniyyət Mərkəzində Azərbaycan Respublikası Mədəniyyət Nazirliyinin təşəbbüsü və təşkilatçılığı ilə həyata keçirilən bədii kollektivlərin qastrol proqramı çərçivəsində unudulmaz konsert proqramı təqdim olundu.

    Gecədə M.Maqomayev adına Azərbaycan Dövlət Akademik Filarmoniyasının Bakı Dövlət Kamera Orkestri sənətsevərlərin qarşısında çıxış etdi.

    Gecənin bədii ovqatını  zənginləşdirən çıxışlarla Xalq artisti, professor Yeganə Axundova (piano), Əməkdar artist Afaq Abbasova (soprano), Rza Xosrovzadə (bariton), eləcə də Zaqatala rayon Uşaq İncəsənət Məktəbinin müəllimləri Eldar Mikayılov (tar) və Sahib Abdurahmanov (qarmon) dinləyicilər tərəfindən böyük rəğbətlə qarşılandılar.
    Əməkdar artist, dirijor Fuad İbrahimovun rəhbərliyi ilə təqdim olunan proqramda Azərbaycan klassik musiqisinin zəngin incilərindən ibarət rəngarəng repertuar səsləndirildi. Konsertdə Üzeyir Hacıbəylinin “Arazbarı”, Niyazinin “Arzu” və “Qaytağı”, Qara Qarayevin “Yeddi gözəl” və “İldırımlı yollar” baletlərindən parçalar, Arif Məlikovun “İki qəlbin dastanı” baletindən “Qızların rəqsi”, Fikrət Əmirovun “Min bir gecə” baletindən “Şəhrizadın bayramı” və digər dəyərli əsərlər tamaşaçılara təqdim olundu.
    Konsert proqramı tamaşaçılar tərəfindən sürəkli alqışlarla qarşılanaraq bölgələrdə klassik musiqiyə olan böyük marağı bir daha nümayiş etdirdi.

    Qeyd edək ki, layihə “Azərbaycan Mədəniyyəti – 2040” Konsepsiyasına uyğun olaraq ölkənin müxtəlif bölgələrində mədəni həyatın canlandırılması, klassik və milli musiqimizin daha geniş auditoriyaya çatdırılması, regionlarda vahid mədəni mühitin formalaşdırılması məqsədilə həyata keçirilir.

    Back to Top