• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    27 oktyabr  2025-ci il 

    27 oktyabr tarixində 2025-ci il tarixində Üzeyir Hacıbəyli adına Bakı Musiqi Akademiyasında maraqlı konsert tədbiri baş tutdu.

    Tədbirin aparıcısı musiqişünas Aytən Adıgözəlova qonaqları salamlayaraq, konsertin mahiyyətindən və əhəmiyyətindən söz açdı.

    Konsertin solisti Əməkdar artist, Respublika və Beynəlxalq müsabiqələr laureatı, Müdafiə Nazirliyinin Əlahiddə Nümunəvi orkestrinin və Rəşid Behbudov adına Dövlət Mahnı teatrının solisti Aynur İskəndərli, konsertmeyster isə Respublika və Beynəlxalq müsabiqələr laureatı, BMA-nın dosenti Nərmin İbrahimova əsrarəngiz ifaları ilə dinləyicilərin zövqünü oxşadılar.

    Rəngarəng konsert proqramında Azərbaycan və xarici ölkə bəstəkərlarının əsərləri səsləndirildi.

    Tədbir tamaşaçılar tərəfindən böyük coşqu ilə qarşılandı.

        

    Back to Top