• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    18 aprel 2025-ci il 

    Bakı Musiqi Akademiyasında Üzeyir Hacıbəylinin 140 illik yubileyinə həsr olunmuş möhtəşəm konsert baş tutdu.

     18 aprel 2025-ci il tarixində Bakı Musiqi Akademiyasında görkəmli bəstəkar, Azərbaycan professional musiqi sənətinin banisi Üzeyir Hacıbəylinin 140 illik yubileyinə həsr olunmuş konsert proqramı keçirildi.

    Tədbir “Solo oxuma” kafedrasının opera hazırlığı bölməsinin tələbələri tərəfindən təqdim olundu. Gənc vokalçıların ifasında dünya və Azərbaycan opera klassikasından səhnələr səsləndirildi. Proqram, həm musiqisevərlər, həm də peşəkarlar tərəfindən böyük maraq və alqışla qarşılandı.

    Konsertdə səslənən səhnələr aşağıdakı əsərlərdən seçilmişdi:

    C. Verdi – Traviata

    F. Əmirov – Sevil

    Ü. Hacıbəyli – Arşın mal alan, Firuzə, Leyli və Məcnun

    R. Koççante – Notre Dame de Paris

    P. Çaykovski – İolanta, Yevgeni Onegin

    V. A. Mosart – Fiqaronun toyu

    S. Raxmaninov – Aleko

    T. Quliyev – Qızılaxtaranlar

    Gənc ifaçılar səhnədə həm vokal ustalıqları, həm də səhnə davranışları ilə yadda qaldılar. Konsert Üzeyir Hacıbəyli irsinin yeni nəsil tərəfindən necə sevildiyini və yaşadıldığını bir daha nümayiş etdirdi.

    Tədbir, Azərbaycan musiqi sənətinin inkişafına xidmət edən uğurlu layihələrdən biri kimi dəyərləndirildi.

    Sonda Xalq artisti, Bakı Musiqi Akademiyasının   “Solo oxuma və opera hazırlığı” kafedrasının müdiri, professor Xuraman xanım Qasımovanın Azərbaycan vokal məktəbinin inkişafında misilsiz xidmətləri qeyd olundu, tamaşaçılar da gurultulu alqışları ilə öz dərin təşəkkür və hörmətini ona bildirdilər.

    Qeyd edək ki, konsertin rejissoru Əməkdar artist Nicat Kazımov, konsertmeyster isə Nabat Bağırovadır.

    Back to Top