• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    28 dekabr 2024-cü il

    28 dekabr 2024-cü il tarixində Üzeyir Hacıbəyli adına Bakı Musiqi Akademiyasında görkəmli alman bəstəkarı  İohan Sebastiyan Baxın 340-cı il dönümünə həsr olunmuş “Hər bir musiqidə Bax səslənir…” adlı  təntənəli fortepiano musiqi konserti keçirildi. 

    Konsertdə Əməkdar müəllim Firəngiz Hacıyevanın sinfinin istedadlı tələbələri - Züleyxa Bayramzadə, Şəhla Yusibova, Cəmilə Bəşirli uğurla çıxış etdilər. 

    Konsert proqramında İ.S.Baxın Preludiya və Fuqa G dur (YTK ll), Toccata c moll, V.A.Motsartın Sonata N.14 c moll, Sonata N.12 F dur, F.Listin “Petrarkanın soneti”, F.Şubert-F.Listin Erlkönig, S.Prokofyevin “Sonata N.2 d moll əsərləri dinləyicilərə təqdim olundu. 

    Gənc musiqiçilərin parlaq ifası tamaşaçılar tərəfindən gurultulu alqışlarla qarşılandı.

    Back to Top