5 dekabr 2024-cü il tarixində Kövkəb Səfərəliyeva adına 16 nömrəli Uşaq Musiqi Məktəbində Üzeyir Hacıbəyli adına Bakı Musiqi Akademiyasının “İxtisas-Fortepiano” kafedrasının tələbələrinin rəngarəng konserti keçirildi.   

BMA-nın baş müəllimi Elnarə Məcidovanın təşkilatçılığı ilə keçirilən tədbirdə istedadlı tələbələr  Ayşə Məmmədova, Nuranə Əliyeva, Fatimə Məmmədova, Züleyxa Bayramzadə, Leyla Tağıyeva, Mehin Zalıyeva, Mədinə Qurbanova, Nərminə Mürşüdzadə, Əsmər Alxazova, Kubra Həşimli çıxış etdilər.

Azərbaycan bəstəkarlarının əsərlərindən ibarət konsert proqramında Fikrət Əmirovun “12 miniatür”,  “Prelüd” №2, Qara Qarayevin  “Don Kixot”,  “Ekspromt”,  “Prelüdiya” №23, №24, Adil Bəbirovun  “Prelüd-skertso”, Zakir Bağırovun  “Pyes”, Vaqif Mustafazadənin  “Mart”, Üzeyir Hacıbəylinin “Cəngi” əsərləri dinləyicilərə təqdim olundu.

Konsert tamaşaçılar tərəfindən böyük rəğbətlə qarşılandı.