20 may 2023-cü il tarixində ADA Məktəbində 16 məktəbi təmsil edən 400 nümayəndəni bir araya gətirən Beynəlxalq BMT Modeli Konfransı keçirildi. 

Konfransın əsas məqsədi gənc nəslin nümayəndələrinə real dünya çağırışları ilə uzlaşan qlobal düşüncə tərzini aşılamaq, onların diplomatiya və danışıqlar aparmaq bacarıqlarını təkmilləşdirmək və daha yaxşı gələcəyin formalaşdırılması istiqamətində məsuliyyət hissini inkişaf etdirməkdir.

Tədbirin rəsmi hissəsində Azərbaycan Respublikası Gənclər Fondunun Layihələrlə iş üzrə şöbəsinin müdiri Faiq Məmmədov, baş katib Riad Əlizadə çıxış etdilər. 

Tədbirin bədii hissəsinin təşkilatçısı Nüşabə Hacıyeva Ümummilli lider Heydər Əliyevin həyat yolu haqda tamaşaçılara geniş məlumat verdi. Daha sonra Ümummilli Lider Heydər Əliyevin sevdiyi “Alagöz” mahnısı, “Şeyx Sənan” dramından “Kor ərəbin mahnısı” və “Küçələrə su səpmişəm” xalq mahnısı respublika və beynəlxalq müsabiqələr laureatları Talıb İsgəndərli, Camalə Abdinzadə, Kamran Talıblı, Fəridə Abbaszadə, Fərəh Musayeva, Nigar İbadullayeva, Mirzə Səfərov və Fatimə Nəzərova tərəfindən dinləyicilərə təqdim olundu.