29 noyabr 2022-ci il
29 noyabr 2022-ci il tarixində Üzeyir Hacıbəyli adına Bakı Musiqi Akademiyasında "Sabah" qrupu tələbələrinin konserti keçirildi.
BMA-nın "Konsertmeyster ustalığı" kafedrasının professorları Gülnarə Məmmədyarova, sənətşünaslıq üzrə fəlsəfə doktoru Könül Hüseynova və dosent Gülnarə Əhmədzadənin tələbələri Aysel İbrahimli, Əsmər Alxazova, Fatimə Vəliyeva, Şükufə Əlizadə, Gülnisə Babayeva, Tasurə Hüseynova, Zərifə Hasilova, Ayan Həsənova, Jalə İslamova, Fidan Yunus, Nigar Hüseynzadə konsertdə məharətlərini nümayiş etdirdilər.
Əməkdar artist Rəna Əliyeva (vokal), Beynəlxalq müsabiqələr laureatı Güllübəyim Məmmədova (vokal), Əli Muradov (vokal), Namiq Səlimov (klarnet), Ayan Məmmədova (viola), Məhəmməd Əliyev (violin), Respublika və Beynəlxalq müsabiqələr laureatı Rəvan Mustafazadə (tar) konsertin solisti olaraq çıxış etdilər.
Rəngarəng konsert proqramında İohan Bramsın "Təfəkkür", Fikrət Əmirovun "Azərbaycan elləri", Pyotr İliç Çaykovskinin "День ли царит", Vasif Adıgözəlovun "Qərənfil", V.Kyaranın "La spagnola", Tofiq Quliyevin "Sevgilim", "Zibeydə, M.Schmitz "Romantik vals", Səid Rüstəmovun "Oxu tar", Karl Baermanın "Romans", Musa Mirzəyevin "Ты сказала, что Саади...", Arif Məlikovun "Romans", Qara Qarayevin "Yeddi gözəl" baletindən "Qızların rəqsi", Cahangir Cahangirovun "Ana", "Füzuli" kantatasından ll hissə əsərləri səsləndirildi.
Tədbir tamaşaçılarda xoş təəssürat yaradaraq, gurultulu alqışlarla başa çatdı.
