Tanınmış bəstəkar, professor Cavanşir Quliyevin 75 illik yubileyi ərəfəsində 16 dekabr tarixində BMA-da, onun çalışdığı "Azərbaycan ənənəvi musiqisi və müasir texnologiyalar" kafedrasında elmi seminar  təşkil olundu.

Əməkdar incəsənət xadimi , professor Zümrüd Dadaşzadə, elmlər doktoru, dosent Leyla Zöhrabova, Əməkdar incəsənət xadimi, professor Mehriban Əhmədova bəstəkarın yaradıcılığının müxtəlif aspektlərini işıqlandıran  məruzələrlə çıxış etmiş, maraqlı mövzulara toxundular. Kafedra müdiri professor, sənətşünaslıq doktoru, "Musiqi dünyası" jurnalının baş redaktoru, Əməkdar incəsənət xadimi Tariyel  Məmmədov  C.Quliyev timsalında bəstəkar yaradıcılığı tədqiqinin bəzi mühüm məsələlərinə diqqəti  yönəltdi.  Seminarın sonunda  Cavanşir Quliyev hamıya  təşəkkürünü bildirib, müasir bəstəkar yaradıcılığı haqqında öz fikirləri ilə bölüşdü. 

Tədbirdə kafedranın müəllimləri ilə yanaşı "Tarix- nəzəriyyə"  fakültəsinin dekanı, Əməkdar müəllim, elmlər doktoru,  professor Gülzar Mahmudova və Elmi Katib, Əməkdar müəllim, professor Leyla Məmmədova da iştirak etmişlər.